29732 ۔۔۔ سعید بن مسیب (رح) روایت کی ہے کہ سیدنا حضرت عمر بن خطاب (رض) نے امہات ولد کے متعلق حکم دیا کہ ان کے بیٹوں کے اموال میں ان کی انصاف پر مبنی قیمت لگائی جائے اور پھر انھیں آزاد کیا جائے چنانچہ حضرت عمر (رض) کی خلافت کے ابتدائی دور میں اس میں ٹھہراؤ رہا پھر قریش کا ایک شخص مرگیا اس کی ام ولد کا ایک بیٹا تھا سیدنا حضرت عمر بن خطاب (رض) اس لڑکے پر عجب کرتے تھے چنانچہ باپ بلال کی وفات کے بعد یہ لڑکا مسجد میں سیدنا حضرت عمر بن خطاب (رض) کے پاس سے گزرا سیدنا حضرت عمر بن خطاب (رض) نے فرمایا : اے بھتیجے تم نے اپنی ماں کے متعلق کیا کیا ؟ لڑکا بولا : امیر المؤمنین ! میں نے بہتر کیا ہے چنانچہ میرے بھائیوں نے مجھے دو چیزوں کا اختیار دیا ایک یہ کہ میری ماں کو بدستور غلامی میں رکھیں دوسرا یہ کہ مجھے میرے باپ کی میراث سے محروم کردیں تاہم میں نے میراث کی محرومیت کو ماں کی غلامی سے کمتر سمجھا ہے سیدنا حضرت عمر بن خطاب (رض) نے فرمایا : کیا تمہیں اس معاملہ میں انصاف بھری قیمت کا حکم نہیں دیا گیا میں ایک الگ رائے دیکھ رہا ہوں اور الگ ایک اور چیز کا حکم دے رہا ہوں الا یہ کہ تم اس میں اپنے اقوال شروع کردیتے ہو پھر آپ (رض) منبر پر تشریف لے گئے اور آہستہ آہستہ لوگ جمع ہونے لگے حتی کہ جب اچھی خاصی تعداد میں لوگ جمع ہوگئے آپ (رض) نے فرمایا : میں نے تمہیں امہات اولاد کے متعلق ایک حکم دیا تھا تم اسے بخوبی جانتے ہو پھر میرے سامنے ایک بات آئی ہے۔ لہٰذا جس شخص کے پاس ام ولد ہو جب تک وہ زندہ ہے وہ اس کی ملکیت میں ہے اور جب مرجائے وہ ام ولد آزاد ہے اس پر کسی کا اختیار نہیں ۔ (رواہ یعقوب بن سفیان والبیہقی وابن عساکر)