29743 ۔۔۔ عمرو بن دینار کی روایت ہے کہ سیدنا حضرت علی المرتضی (رض) نے اپنی وصیت میں لکھا : امابعد ! میری وہ باندیاں جن کے پاس میں چکر لگاتا ہوں ان کی تعداد انیس (19) ہے ان میں سے بعض امہات اولاد ہیں اور ان کے ساتھ ان کی اولاد ہے ان میں سے بعض حاملہ ہیں ان میں سے بعض غیر حاملہ ہیں میں نے فیصلہ کیا ہے کہ اگر اس غزوے میں مجھے موت آجائے تو وہ باندیاں جو غیر حاملہ ہیں اور ان کے ہاں کوئی بچہ نہیں وہ اللہ تعالیٰ کی خوشنودی کے لیے آزاد ہیں ان پر کسی کا کوئی اختیار نہیں جن باندیوں کے ہاں اولاد ہو یا وہ حاملہ ہوں وہ اپنے بچے پر روکی جائے گی ایسی باندی بچے کے حصہ میں ہے اگر اس باندی کا بچہ مرجائے دراں حالیکہ باندی زندہ ہو تو وہ اللہ تعالیٰ کی رضا کے لیے آزاد ہے یہ فیصلہ میں نے اپنی انیس (19) باندیوں کے متعلق صادر کیا ہے ” واللہ المستعان “ اس فیصلہ پر گواہان ھیاج بن ابی سفیان اور عبید اللہ بن ابی رافع تھے یہ فیصلہ جمادی الاولی 37 ھ میں لکھا ۔ (رواہ عبدالرزاق)