29776 ۔۔۔ عامر شعبی کی روایت ہے جو مکاتب کچھ بدل کتابت ادا کر دے پھر مرجائے اس کے متعلق حضرت زید بن ثابت (رض) نے فرمایا : جب تک اس مکاتب پر ایک درہم بھی باقی ہے وہ غلام ہے عن ابن مسعود (رض) کا قول ہے کہ جب مکاتب ایک تہائی یا چوتھائی بدل کتابت ادا کر دے تو وہ تاوان دہندہ کے حکم میں ہے سیدنا حضرت علی المرتضی (رض) کا قول ہے کہ مکاتب نے جتنا بدل کتابت ادا کیا اسی حساب سے وہ آزاد تصور ہوگا اور اسی حساب سے اس کی اولاد بھی وارث ہوگی جابر (رض) کی روایت ہے کہ مجھے خبر پہنچی ہے کہ حضرت عمر (رض) نے حضرت علی (رض) ، حضرت عبداللہ (رض) اور حضرت زبیر (رض) کو مکاتب کے معاملہ میں جمع کیا زید (رض) نے کہا ہم کاتبوں کے لیے قیاس کریں گے فرمایا : مجھے بتاؤ اگر مکاتب پر حد آئے اور وہ امہات المؤمنین کے پاس داخل ہوتا ہو کہا : ہم اس کی مانند قیاس کریں گے چنانچہ حضرت عمر (رض) نے ان کی رائے کو ترجیح دی ۔ (رواہ ابن عساکر)