29836 ۔۔۔ اللہ تبارک وتعالیٰ کے بیشمار ایسے فرشتے ہیں جن کے پہلو خوف خدا سے کپکپاتے ہیں ان میں کوئی فرشتہ ایسا نہیں جس کی آنکھ سے آنسو نہ بہے چنانچہ جو آنسو بھی بہتا ہے اس سے ایک اور فرشتہ پیدا ہوجاتا ہے اور پھر وہ تسبیح میں مشغول ہوجاتا ہے جب سے اللہ تعالیٰ نے زمین و آسمان پیدا کیے ہیں اللہ تعالیٰ کے بیشمار فرشتے سر بسجود ہیں انھوں نے اپنا سر اوپر نہیں اٹھایا اور تاقیامت سر اوپر اٹھائیں گے بھی نہیں بیشمار فرشتے حالت رکوع میں ہیں انھوں نے اس سے پہلے سر اٹھایا اور نہ تا قیامت سر اٹھائیں گے بہت سارے فرشتے صف بستہ کھڑے ہیں تاقیامت صف بستہ رہیں گے جب قیامت قائم ہوگی اللہ تعالیٰ ان فرشتوں پر اپنی تجلی ڈالے گا فرط محبت میں فرشتے رب تعالیٰ کو دیکھیں گے اور کہیں گے : اے ہمارے رب تو پاک ہے ہم نے تیری عبادت کا حق ادا نہیں کیا ۔ (رواہ البیہقی فی السنن وابو الشیخ فی العظمۃ والبیہقی فی شعب الایمان والخطیب وابن عساکر عن رجل من الصحابۃ)