29865 ۔۔۔ عبدالرحمن بن عطاء بن بنی ساعدہ اپنے والد علاء بن سعد سے روایت نقل کرتے ہیں علاء ان حضرات صحابہ کرام رضوان اللہ تعالیٰ عنہم اجمعین میں سے ہیں جنہوں نے فتح مکہ کے دن بیعت کی روایت کرتے ہیں کہ نبی کریم (صلی اللہ علیہ وآلہ وسلم) نے ایک دن صحابہ کرام رضوان اللہ تعالیٰ عنہم اجمعین سے فرمایا : جو کچھ میں سنتا ہوں کیا وہ کچھ تم بھی سنتے ہو ؟ صحابہ کرام رضوان اللہ تعالیٰ عنہم اجمعین نے عرض کیا : یا رسول اللہ (صلی اللہ علیہ وآلہ وسلم) آپ کیا سن رہے ہیں ؟ فرمایا : آسمان چرچرا رہا ہے۔ اور چرچرانا اس کا حق ہے آسمان پر پاؤں کے برابر بھی جگہ نہیں جس میں کوئی فرشتہ نہ ہو الا یہ کہ ہر جگہ کوئی نہ کوئی فرشتہ حالت قیام میں ہوتا ہے یا رکوع میں ہوتا ہے یا سجدہ میں ہوتا ہے پھر آپ نے یہ آی تلاوت کی ” وانا لنحن الصافون وانا لنحن المسبحون “۔ ہم صف بستہ ہیں اور ہم تسبیحات میں مصرف ہیں۔ (رواہ ابن مندہ وابن عساکر)