29941 ۔۔۔ سیدنا حضرت علی المرتضی (رض) روایت کی ہے کہ جب ہم ہجرت کرکے مدینہ آئے ہم نے مدینہ کے پھل کھائے اور ہمیں یہاں کی آب وہوا راس نہ آئی ہمیں بخار ہوگیا نبی کریم (صلی اللہ علیہ وآلہ وسلم) کبھی کبھی بدر کے متعلق پوچھتے رہتے تھے جب ہمیں خبر پہنچی کہ مشرکین جنگ کے لیے آرہے ہیں نبی کریم (صلی اللہ علیہ وآلہ وسلم) بدر کی طرف چل دیئے بدر ایک کنویں کا نام ہے ہم مشرکین سے پہلے بدر پہنچ گئے بدر میں ہمیں دو شخص ملے ایک شخص قریشی تھا جبکہ دوسرا عقبہ بن ابی معیط کا غلام تھا قریشی تو بھاگ نکلنے میں کامیاب ہوا رہی بات عقبہ کے غلام کی وہ ہماری ہاتھ لگ گیا ہم اس سے پوچھتے لوگوں کی کیا تعداد ہے ، وہ کہتا : بخدا ان کی تعداد زیادہ ہے اور ان کی لڑائی شدید ہے۔ جب وہ یہ بات کہتا مسلمان اسے مارتے حتی کہ اسے رسول اللہ (صلی اللہ علیہ وآلہ وسلم) کے پاس لے آئے ، نبی کریم (صلی اللہ علیہ وآلہ وسلم) نے اس پر زور دے کر پوچھا کہ مشرکین کی تعداد کیا ہے ؟ اس نے تعداد بتانے سے انکار کردیا آپ نے پوچھا وہ کتنے اونٹ ذبح کرتے ہیں غلام نے کہا : وہ روزانہ دس اونٹ ذبح کرتے ہیں رسول اللہ (صلی اللہ علیہ وآلہ وسلم) نے فرمایا : ان کی تعداد ایک ہزار ہے چونکہ ایک اونٹ سو آدمیوں کے لیے کافی ہوتا ہے پھر رات کو بارش برسی ہم درختوں کے نیچے چلے گئے اور ڈھالوں سے بچاؤ کا کام لیا جبکہ نبی کریم (صلی اللہ علیہ وآلہ وسلم) نے رات دعا کرتے گزاری دعا میں کہتے : یا اللہ اگر تو نے یہ مختصر سی جماعت ہلاک کردی تیری عبادت نہیں کی جائے گی طلوع فجر کے وقت نماز پڑھنے کا اعلان کیا گیا لوگ درختوں کے نیچے سے نکل کر آئے رسول اللہ (صلی اللہ علیہ وآلہ وسلم) نے ہمیں نماز پڑھائی اور پھر جنگ پر ہمیں ابھارا پھر فرمایا : سبھی لوگ سرخی مائل پہاڑ کے اس حصہ کے نیچے رہیں جب مشرکین ہمارے قریب ہوئے ہم نے صفیں بنالیں یکایک جماعت مشرکین کی طرف سے اس شخص کے قریب کھڑے تھے آپ (صلی اللہ علیہ وآلہ وسلم) نے فرمایا : مشرکین میں اگر کوئی شخص بھلی بات کرنے والا ہے تو وہ یہی سرخ اونٹ کا سوار ہے عین ممکن ہے یہ کوئی بات کرے اتنے میں حضرت حمزہ (رض) تشریف لائے اور فرمایا : یہ شخص عتبہ بن ربیعہ ہے یہ جنگ سے منع کررہا ہے اور اپنی قوم سے کہہ رہا ہے : اے میری قوم : میں انھیں (مسلمانوں کو) موت کی پروا کیے بغیر لڑنے والا دیکھ رہا ہوں تم ان تک پہنچ پاؤ گے حالانکہ تمہارے پاس مال و دولت کی فراوانی ہے اے میری قوم ! جنگ کا خیال ترک کرو اور اس بےعزتی کو میرے سرمنڈ دو اور کہو کہ عقبہ بن ربیعہ نے سستی اور ڈرپوکی کا مظاہرہ کیا حالانکہ تم جانتے ہو میں کاہل اور ڈرپوک نہیں ہوں یہ آفر ابوجہل نے سن لی وہ بولا : تم یہ بات کہتے ہو بخدا ! اگر تمہارے علاوہ کوئی اور ہوتا ہے اسے دانتوں سے کاٹ دیتا حالانکہ تیرے حسن منظر نے تیرے پیٹ کو رعب سے بھر دیا ہے عتبہ بولا : اے سرینوں کو زعفران سے رنگنے والے (یعنی عیاش پرست تجھے جنگی تدابیر سے کیا واسطہ) مجھے عار مت دو آج تم جان لو گے کہ ہم میں سے کون بزدل ہے ؟ چنانچہ عتبہ اس کا بھائی شیبہ اور بیٹا ولید باہر نکلے اور مدمقابل کے خواہشمند ہوئے ادھر سے انصار سے چھ نوجوان نکلے عتبہ نے کہا : ہم تمہارے خواہشمند نہیں ہیں تم ہمارے مقابل کے نہیں ہو ہم تو اپنے چچا کے بیٹوں یعنی بنی عبدالمطلب کے خواہشمند ہیں نبی کریم (صلی اللہ علیہ وآلہ وسلم) نے فرمایا : اے علی ! کھڑے ہوجاؤ اے حمزہ ! کھڑے ہوجاؤ اے عبیدہ بن حارث ! کھڑے ہوجاؤ چنانچہ اللہ تبارک وتعالیٰ نے عتبہ بن ربیعہ ! شیبہ بن ربیعہ اور ولید بن عتبہ کو واصل جہنم کیا اور عبیدہ (رض) زخمی ہوگئے پھر ہم مشرکین کے ستر آدمی قتل کیے اور ستر آدمی قید پھر ایک انصاری عباس بن عبدالمطلب کو قید کر لایا عباس نے کہا : یا رسول اللہ ! مجھے اس نے گرفتار نہیں کیا البتہ مجھے ایک شخص نے قید کیا ہے اس کے سر سے کنارے کے بال اکھڑے ہوئے تھے وہ بہت خوبصورت تھا اور ابلق گھوڑے پر سوار تھا میں اسے نہیں دیکھ رہا انصاری نے کہا : یا رسول اللہ (صلی اللہ علیہ وآلہ وسلم) میں نے ہی اسے قید کیا ہے آپ (صلی اللہ علیہ وآلہ وسلم) نے فرمایا : خاموش رہو اللہ تبارک وتعالیٰ نے فرشتے سے تمہاری مدد کی ہے سیدنا حضرت علی المرتضی (رض) نے فرمایا : بنی مطلب سے ہم نے عباس عقیل اور نوفل بن حارث کو قید کیا ۔ (رواہ ابن ابی شیبۃ واحمد بن حنبل وابن جریر وصحح والبیہقی فی الدلائل وروی ابن ابی عاصم فی الجھاد بعضہ)