29953 ۔۔۔ سیدنا حضرت علی المرتضی (رض) روایت کی ہے کہ میں بدر کے دن قلیب کنویں پر تھا اور اس سے پانی نکالنا چاہتا تھا یکایک سخت ہوا چلی ، پھر دوبارہ تیز ہوا چلی میں نے ایسی تیز ہوا چلتی کبھی نہیں پائی پھر سہ بارہ تیز ہوا چلی چنانچہ پہلے میکائیل (علیہ السلام) ایک ہزار فرشتوں کے ہمراہ آئے اور یہ نبی کریم (صلی اللہ علیہ وآلہ وسلم) کی دائیں طرف سے تھے دوسرے نمبر پر اسرافیل (علیہ السلام) ایک ہزار فرشتوں کے ہمراہ آئے اور یہ نبی کریم (صلی اللہ علیہ وآلہ وسلم) کی بائیں طرف تھے تیسرے نمبر پر جبرائیل امین تشریف لائے وہ بھی ایک ہزار فرشتوں کے ہمراہ آئے ان کی دائیں طرف ابوبکر (رض) تھے جبکہ میں ان کی بائیں طرف تھا جب اللہ تبارک وتعالیٰ نے کفار کو ہزیمت سے دوچار کیا رسول اللہ (صلی اللہ علیہ وآلہ وسلم) نے مجھے اپنے گھوڑے پر سوار کیا آپ نے گھوڑے کی گردن پر چابک ماری میں نے رب تعالیٰ سے دعا کی کہ مجھے گھوڑے پر ثابت قدم رکھے میں نے اپنا نیزہ مارا حتی کہ لہو کے چھنٹے میری بغل تک پہنچے ۔ (رواہ ابو یعلی وابن جریر والبیھقی فی الدلائل وفیہ ابو الحویرث عبد الرحمن بن معاویۃ وھو ضعیف)