29976 ۔۔۔ حضرت عائشۃ صدیقہ (رض) روایت کی ہے کہ رسول کریم (صلی اللہ علیہ وآلہ وسلم) نے مقتولین بدر کے متعلق حکم دیا کہ انھیں قلیب کی طرف کھینچ کر لایا جائے چنانچہ قلیب میں مقتولین ڈال دیئے گئے پھر آپ (رض) نے فرمایا : کیا تم نے اللہ تعالیٰ کا وعدہ سچا پایا میں نے اپنے رب کے وعدہ کو سچا پایا ہے۔ صحابہ کرام رضوان اللہ تعالیٰ عنہم اجمعین نے عرض کیا یا رسول اللہ ! آپ مردوں سے کلام کر رہے ہیں ؟ فرمایا : یہ لوگ جانتے ہیں کہ رب تعالیٰ نے ان سے جو وعدہ کیا تھا وہ سچا ہے جب ابو حذیفہ (رض) نے اپنے باپ عتبۃ کو کھینچتے ہوئے دیکھا نبی کریم (صلی اللہ علیہ وآلہ وسلم) نے ابو حذیفہ (رض) کے چہرے پر ناگواری کے آثار بھانپ لیے اور فرمایا : اے ابو حذیفہ گویا تمہیں اس سے ناگواری ہو رہی ہے ابو حذیفہ (رض) نے عرض کیا : یا رسول اللہ (صلی اللہ علیہ وآلہ وسلم) میرا باپ سردار تھا میں پرامید تھا کہ رب تعالیٰ اسے ہدایت اسلام سے سرفراز فرمائے گا لیکن جب یہ واقعہ پیش آیا اس نے مجھے نہایت غم گین کردیا ہے پھر نبی کریم (صلی اللہ علیہ وآلہ وسلم) نے حضرت ابو حذیفہ (رض) کے لیے دعائے خیر کی ۔ (رواہ ابن جریر)