29986 ۔۔۔ سیدنا حضرت علی المرتضی (رض) روایت کی ہے کہ بدر کی رات ہمیں بخار کی شکایت ہوگئی اور بارش بھی ہوئی لوگ بارش سے بچاؤ کے لیے درختوں تلے بھاگ نکلے میں نے نبی کریم (صلی اللہ علیہ وآلہ وسلم) کے سوا کسی کو نماز پڑھتے نہیں دیکھا حتی کہ فجر طلوع ہوگئی آپ نے آواز لگائی : اے اللہ کے بندو ! لوگ سنتے ہی درختوں تلے سے نکل پڑجے آپ نے نماز پڑھائی پھر جنگ کی طرف متوجہ ہوگئے لوگوں کو لڑنے کی ترغیب دی اور فرمایا : بنی عبدالطلب زبردستی لائے گئے ہیں بخوشی نہیں آئے لہٰذا تم میں سے جو بھی کسی مطلبی کو پائے اسے قید کرلے اور قتل نہ کرے پھر فرمایا : قریش پہاڑ کے اس ناکے تلے جمع ہیں جب قریس صفہ بستہ ہوگئے نبی کریم (صلی اللہ علیہ وآلہ وسلم) نے ایک شخص کو سرخ اونٹ پر سوار دیکھا ، آپ نے فرمایا : اگر قریش کے کسی فرد کے پاس کوئی بھلائی ہے تو اس سرخ اونٹ والے کے پاس کچھ بھلائی ہے پھر فرمایا : اے علی جاؤ حمزہ سے پوچھو یہ شخص کیا کہہ رہا ہے حضرت حمزہ (رض) قریش کے قریب کھڑے تھے چنانچہ سیدنا حضرت علی المرتضی (رض) نے حضرت حمزہ (رض) سے پوچھا انھوں نے کہا : یہ عتبہ بن ربیعہ ہے یہ قریش کو جنگ کرنے سے منع کررہا ہے سیدنا حضرت علی المرتضی (رض) کہتے ہیں : ہم میں سے وہ شخص بہادر تصور کیا جاتا تھا جو رسول اللہ (صلی اللہ علیہ وآلہ وسلم) کے سامنے کھڑا ہوتا تھا ، جب اللہ تعالیٰ نے قریش کو ہزیمت سے دو چار کیا کیا دیکھتا ہوں کہ عقیل کھڑے ہیں اور ان کے ہاتھ رسی سے گردن کے ساتھ باندھے ہوئے ہیں میں ان سے طرح دے گیا مجھے چیخ کر کہا : اے علی ! کہا تمہیں میرا مقام معلوم نہیں پھر جان بوجھ کر یہ بےرخی کیسی ؟ سیدنا حضرت علی المرتضی (رض) کہتے ہیں۔ میں نبی کریم (صلی اللہ علیہ وآلہ وسلم) کی خدمت میں حاضر ہوا عرض کیا : یا رسول اللہ ! کیا آپ نے ابو یزید کو دیکھا ہے اس کے ہاتھ اسی کے گردن سے باندھے گئے ہیں آپ نے فرمایا : چلو اس کے پاس چلتے ہیں چنانچہ ہم چلتے ہوئے عقیل کے پاس پہنچے جب عقیل نے ہمیں دیکھا کہا : یا رسول اللہ ! اگر آپ نے ابو جہل کو قتل کردیا تو آپ ظفر مند ہوگئے ورنہ قوم کی خبر لیں نبی کریم (صلی اللہ علیہ وآلہ وسلم) نے فرمایا : اللہ تعالیٰ نے ابو جہل کو قتل کردیا ہے۔ (رواہ ابن عساکر)