30008 ۔۔۔ محمد بن علی بن حسین کی روایت ہے کہ بدر کے دن عتبہ بن ربیعہ نے للکارا ۔ سیدنا حضرت علی المرتضی (رض) ولید کی طرف اٹھے اور یہ دونوں نو عمر نوجوان تھے اور آپس میں ملتے جلتے تھے سیدنا حضرت علی المرتضی (رض) نے ایک ہی وار میں ولید کا کام تمام کردیا پھر شیبہ اٹھا اور اس کے مقابلہ کے لیے حضرت حمزہ (رض) کھڑے ہوئے اور ایک ہی وار میں انھوں نے بھی شیبہ کا کام تمام کردیا پھر عتبہ کھڑا ہوا اس کی خبر لینے کے لیے عبیدہ بن حارث (رض) کھڑے ہوئے یہ دونوں بھی آپس میں ایک جیسے تھے ان کے آپس میں دو دو ہاتھ ہوئے حضرت عبیدہ (رض) نے تلوار کا زور دار وار کیا جس سے عتبہ کا بایاں کاندھا کٹ گیا اس نے غصہ میں تلوار چلائی جس سے حضرت عبیدہ (رض) کی پنڈلی کٹ گئی یہ حالت دیکھ کر حضرت حمزہ (رض) اور حضرت علی (رض) پلٹے اور پل جھپکنے میں عتبہ کا غرور خاک میں ملا دیا پھر یہ دونوں عبیدہ (رض) کو اٹھا لائے اور نبی کریم (صلی اللہ علیہ وآلہ وسلم) کی جھونپڑی میں لٹا دیا آپ نے اپنی ران مبارک ان کے سر کے نیچے رکھ دی اور منہ سے غبار جھاڑنے لگے اس اثناء میں عبیدہ (رض) نے کہا نبی کریم (صلی اللہ علیہ وآلہ وسلم) بخدا اگر آپ کو ابو طالب دیکھ لیتے وہ سمجھ لیتے کے ان کے شعر کا مصداق میں ہی ہوں ۔ (ونسلمہ حتی نصرع حولہ