30022 ۔۔۔ حضرت انس (رض) کی روایت ہے کہ نبی کریم (صلی اللہ علیہ وآلہ وسلم) نے فرمایا : کون دیکھنے جائے گا کہ ابوجہل کس حال میں ہے چنانچہ حضرت عبداللہ بن مسعود (رض) کھڑے ہوئے اور چل پڑے کیا دیکھتے ہیں کہ اسے عفراء کے دو بیٹوں نے نیم جان کر کے چھوڑا ہوا ہے حضرت عبداللہ بن مسعود (رض) نے اسے داڑھی سے پکڑا آگے سے بولا : کیا تم نے مجھ سے بڑھ کر بھی کسی عظیم شخص کو قتل کیا ہے یا کہا : کیا ایسا کوئی عظیم شخص ہوسکتا ہے جسے اس کی قوم قتل کر دے ۔ (رواہ ابن ابی شیبۃ)