30027 ۔۔۔ سیدنا حضرت علی المرتضی (رض) کی روایت ہے کہ جب لوگ نبی کریم (صلی اللہ علیہ وآلہ وسلم) کے پاس سے بدر کے دن چھٹ گئے میں نے آپ کو شہداء میں تلاش کیا آپ نہ ملے میں نے کہا : بخدا ! آپ جنگ سے بھاگنے والے نہیں اور نہ ہی آپ شہداء میں ہیں لیکن میرا خیال ہے کہ ہمارے کیے پر اللہ تعالیٰ کو سخت غصہ آیا ہے اور اللہ تبارک وتعالیٰ نے اپنے نبی کو آسمانوں پر اٹھا لیا ہے لہٰذا اب مجھ پر کوئی بھلائی نہیں تاوقتیکہ میں بےجگری سے لڑوں حتی کہ میں بھی راہ حق میں شہید ہوجاؤں چنانچہ میں نے اپنی تلوار کا نیام کاٹ کر پھینک دیا اور پھر دشمن پر اندھا دھند حملہ کردیا چنانچہ دشمن کا گھیرا توڑ ڈالا کیا دیکھتا ہوں کے میں نبی کریم (صلی اللہ علیہ وآلہ وسلم) کے پاس کھڑا ہوں اور رسول اللہ (صلی اللہ علیہ وآلہ وسلم) دشمن کے نرغے میں ہیں۔ (رواہ ابو یعلی وابن ابی عاصم فی الجھاد والبورقی و سعید بن المنصور)