30040 ۔۔۔ حضرت انس بن مالک (رض) کی روایت ہے کہ جب احد کی دن کفار نے نبی کریم (صلی اللہ علیہ وآلہ وسلم) کو نرغے میں لے لیا آپ نے فرمایا : جو شخص ان مشرکین کو مجھ سے پیچھے دھکیلے گا وہ جنت میں جائے گا ، چنانچہ ایک انصاری کھڑے ہوئے جان ہتھیلی پہ رکھ کر ہجوم پر دیوانہ وار ٹوٹ پڑے ۔ حتی کہ شہید ہوگئے پھر اور انصاری کھڑے ہوئے اور سات مشرکین کو قتل کر کے پیچھے دھکیل دیا اس پر آپ (صلی اللہ علیہ وآلہ وسلم) نے فرمایا : ہم نے اپنے ساتھیوں سے انصاف نہیں کیا ۔ (رواہ ابن ابی شیبۃ)