30044 ۔۔۔ حضرت انس (رض) حضرت مقدار (رض) سے روایت ہے نقل کرتے ہیں کہ جب ہم صف بستہ ہوگئے نبی کریم (صلی اللہ علیہ وآلہ وسلم) حضرت مصعب بن عمیر (رض) کے جھنڈے تلے تھے جب مشرکین کے علم بردار قتل ہوئے تو مشرکین ہزیمت خوردہ ہوئے اور مسلمانوں نے ان کے لشکر پر لوٹ مار ڈال دی لیکن مشرکین نے پیچھے سے پلٹ کر دوبارہ حملہ کردیا ۔ مسلمان عجیب اضطراب کا شکار ہو کر بکھر گئے ۔ رسول اللہ (صلی اللہ علیہ وآلہ وسلم) نے علمبر داروں میں کھڑے ہو کر آواز دی حضرت مصعب (رض) نے جھنڈا تھام لیا پھر وہ شہید کردیئے گئے ۔ خزرج کا جھنڈا حضرت بن عبادۃ (رض) نے اٹھا رکھا تھا جبکہ رسول اللہ (صلی اللہ علیہ وآلہ وسلم) انہی کے جھنڈے تلے تھے مہاجرین کا جھنڈا ابو روم عبدی (رض) کے پاس تھا میں نے اوس کا جھنڈا حضرت امیہ بن جعفر (رض) کے پاس دیکھا فریقین نے صفین توڑ کر خلط ملط ہو کر جنگ لڑی ۔ مشرکین لات وعزی اور ہبل کے نعرے لگا رہے تھے اور رسول اللہ (صلی اللہ علیہ وآلہ وسلم) پر تحقیر آمیز کلمات کس رہے تھے بخدا میں نے رسول کریم (صلی اللہ علیہ وآلہ وسلم) کو اضطراب کی حالت میں بالشت بھر بھی اپنی جگہ سے پلتے نہیں دیکھا آپ دشمن کے آگے سینہ سپر رہے آپ کے صحابہ کرام رضوان اللہ تعالیٰ عنہم اجمعین کی ایک جماعت کبھی آپ کے پاس آجاتی اور کبھی وہ بھی پیچھے ہٹ جاتی ، میں کبھی آپ کو کمان سے تیر برساتے دیکھتا اور کبھی پتھر پھینکتے ہوئے دیکھا آپ یوں ثابت قدم رہے جس طرح ایک مضبوط جماعت کے ساتھ ثابت قدم رہتے ۔ آپ کے ساتھ چودہ صحابہ کرام رضوان اللہ تعالیٰ عنہم اجمعین تھے ان میں سے سات مہاجرین اور سات انصار تھے وہ یہ ہیں ابوبکر ، عبدالرحمن بن عوفہ ، علی بن ابی طالب ، سعد بن ابی وقاص ، طلحہ بن عبید اللہ ، ابو عبیدہ بن الجراح ، زبیر بن عوام انصار میں سے یہ تھے حباب بن منذر ابودجانہ عاصم بن ثابت حارث بن ضعمہ سھل بن حنیف اسید بن حضیر اور سور بن معاذ (رض) اجمعین ۔ (رواہ الواقدی وابن عساکر)