30055 ۔۔۔ ابن شباب کی روایت ہے کہ غزوہ احد کے دن رسول مقبول (صلی اللہ علیہ وآلہ وسلم) صحابہ کرام رضوان اللہ تعالیٰ عنہم اجمعین کے پیچھے تنہا رہ گئے تھے جبکہ آپ کے اور مشرکین کے درمیان حضرت حمزہ (رض) حائل تھے اور بےجگری سے لڑتے جارہے تھے اسی اثناء میں وحشی گھات لگائے بیٹھا تھا موقع ملتے ہی حضرت حمزہ (رض) کو شہید کردیا جبکہ آپ (رض) کے ہاتھ سے اکتیس (31) کفار واصل جہنم ہوئے آپ (رض) کو اسد اللہ کہہ کر پکارا جاتا تھا ۔ (رواہ ابو نعیم)