30149 ۔۔۔ ایاس بن سلمہ اپنے والد حضرت سلمہ بن اکوع (رض) سے نقل کرتے ہیں کہ قریش نے سہیل بن عمرو حویطب بن عبدالعزی اور مکرز بن سلمہ اپنے والد حضرت سلمہ بن حفص کو نبی کریم (صلی اللہ علیہ وآلہ وسلم) کے پاس بھیجا تاکہ آپ سے صلح کریں جب نبی کریم (صلی اللہ علیہ وآلہ وسلم) نے ان لوگوں کو دیکھا کہ ان میں سہیل بھی ہے تو فرمایا : مشرکین نے تمہارے معاملے کو اور آسان کردیا ہے تمہارے پاس رشتہ داری کا واسطہ لے کر صلح کرنے آئے ہیں لہٰذا قربانی کے اونٹوں کو اٹھاؤ اور زور زور سے تلبیہ کہو شاید یوں ان کے دل نرم ہوجائیں چنانچہ صحابہ کرام رضوان اللہ تعالیٰ عنہم اجمعین نے تلبیہ کیا جس سے مضافات کی پہاڑیاں گونج اٹھیں چنانچہ یہ لوگ آئے اور صلح کی درخواست کی چنانچہ لوگ سی لے دے میں مصروف تھے کہ مسلمانوں میں بھی کچھی مشرکین تھے اور مشرکین میں بھی کچھ مسلمان تھے ابو سفیان نے معاہدہ توڑا یکایک دیکھتے ہیں کہ وادی جنگجوؤں اور اسلحہ سے اٹی پڑی ہے سلمہ (رض) کہتے ہیں میں چھ مشرکین کو ہانکتے ہوئے لے آیا جب کہ وہ مسلح تھے وہ اپنے نفع و نقصان سے یکسر بےنیاز تھے میں انھیں ہانکتے ہوئے نبی کریم (صلی اللہ علیہ وآلہ وسلم) کے پاس لے آیا نبی کریم (صلی اللہ علیہ وآلہ وسلم) نے ان سے سازو سامان چھینا اور نہ انھیں قتل کیا بلکہ معاف کردیا ہم چھینٹا مار کر مشرکین کے قبضے سے مسلمانوں کو چھڑا لائے ان کے قبضے میں ایک مسلمان بھی نہ چھوڑا پھر قریش نے سہیل بن عمرو او 3 ر حویطب بن عبدالعزی کو صلح کے لیے بھیجا جب کہ نبی کریم (صلی اللہ علیہ وآلہ وسلم) نے حضرت علی (رض) اور حضرت طلحہ (رض) کو صلح کے لیے بھیجا سیدنا حضرت علی المرتضی (رض) نے صلح نامہ لکھا جس کا مضمون یہ تھا۔ (بسم اللہ الرحمن الرحیم) یہ وہ معاہدہ ہے جس پر نبی کریم (صلی اللہ علیہ وآلہ وسلم) نے قریش کے ساتھ صلح کی ہے ان شرائط پر کہ دھوکا وہی اور چوری چکاری نہیں ہوگی یہ ک محمد کے ساتھیوں میں سے کوئی شخص حج کرنے یا عمرہ کرنے یا تجارت کی غرض سے مکہ آئے وہ امن میں ہوگا اس کی جان اور اس کا مال محفوظ ہوگا قریش میں سے کوئی شخص اگر محمد کے جپ اس چلا جائے اسے واپس کیا جائے گا اور محمد کے ساتھیوں سے کوئی شخص قریش کے پاس آجائے تو اسے واپس نہیں کیا جائے گا اس شرط پر مسلمانوں کا غصہ دوبالا ہوگیا نبی کریم (صلی اللہ علیہ وآلہ وسلم) نے فرمایا ہم میں سے جو شخص قریش کے ساتھ جا ملے اللہ تبارک وتعالیٰ اسے اپنی رحمت سے دور کرے اور ان میں سے جو شخص ہمارے پاس آجائے ہم اسے واپس کردیں گے چونکہ اللہ تبارک وتعالیٰ اسلام کو غالب اور نمایاں کرنا چاہتا ہے نیز صلح نامہ میں یہ شرط بھی رکھی گئی کہ اس سال واپس چلے جائیں اور آئندہ سال عمرہ کے لیے آئیں اور اسی مہینہ میں آئیں ہمارے پاس گھوڑوں پر سوار اور مسلح ہو کر نہ آئیں البتہ مسافر جتنا سامان ساتھ رکھ سکتے ہیں تین دن تک رہیں پھر واپس چلے جائیں یہ کہ ذبح کے اونٹوں کے لیے یہی جگہ ہو ہمارے پاس نہ لائیں نبی کریم (صلی اللہ علیہ وآلہ وسلم) نے فرمایا ہم اونٹوں کو ہانکتے ہیں تم انھیں آگے سے واپس کرنا چاہتے ہو ۔