30160 ۔۔۔ ” مسند عثمان “ معان بن رفاعہ سلامی ، ابو خلف اعمی سیدنا حضرت عثمان ذوالنورین (رض) سے روایت نقل کرتے ہیں کہ سیدنا حضرت عثمان ذوالنورین (رض) فتح مکہ کے دن نبی کریم (صلی اللہ علیہ وآلہ وسلم) کے پاس آئے جبکہ سیدنا حضرت عثمان ذوالنورین (رض) کے ہاتھ میں ابن ابی سرح تھا جبکہ نبی کریم (صلی اللہ علیہ وآلہ وسلم) نے فرمایا : جو شخص ابن ابی سرح کو پائے وہ اس کی گردن اڑا دے اگرچہ وہ کعبہ کے پردوں کے ساتھ کیوں نہ چمٹا ہو سیدنا حضرت عثمان ذوالنورین (رض) نے عرض کیا : یا رسول اللہ (صلی اللہ علیہ وآلہ وسلم) جو معاملہ عام لوگوں کے ساتھ کیا گیا ہے وہ ابن ابی سرح کے ساتھ بھی کیا جائے ابن ابی سرح نے ہاتھ آگے بڑھایا آپ (صلی اللہ علیہ وآلہ وسلم) نے اپنا ہاتھ پیچھے کرلیا ، پھر ہاتھ بڑھا کر اس سے بیعت لی اور اسے امن دیا پھر رسول کریم (صلی اللہ علیہ وآلہ وسلم) نے فرمایا : کیا جب میں نے اس سے اعراض کیا تم مجھے دیکھ نہیں رہے تھے ؟ صحابہ کرام رضوان اللہ تعالیٰ عنہم اجمعین نے عرض کیا : یا رسول اللہ (صلی اللہ علیہ وآلہ وسلم) آپ نے ہمیں اشارہ کیوں نہیں کیا رسول اللہ (صلی اللہ علیہ وآلہ وسلم) نے فرمایا : اسلام میں اشارے اور کنایات کی اجازت نہیں اور نبی کے شایان شان نہیں کہ وہ خیانت کے لیے اشارہ کرے ۔ (رواہ ابن عساکر ومعان بن رفاعۃ ضعیف)