30164 ۔۔۔ حارث بن غزیہ انصاری کی روایت ہے کہ میں نے فتح مکہ کے دن نبی کریم (صلی اللہ علیہ وآلہ وسلم) کو فرماتے سنا ہے کہ فتح کے بعد ہجرت نہیں ۔ اب بس ایمان ہی بہت ہے اور جہاد ہے متعہ نسواں حرام ہے متعہ نسواں حرام ہے متعہ نسواں حرام ہے پھر دوسرے دن فرمایا : اے خزاعہ ! قسم اس ذات کی جس کے قبضہ میں میری جان ہے ! اگر تم کسی شخص کو قتل کر دو گے میں اس کی دیت دوں گا میں اس شخص سے بڑھ کر کسی کو اللہ تعالیٰ کا نافرمان نہیں سمجھتا ہوں جو اللہ تعالیٰ کی حرمت کو حلال سمجھے یا غیر قاتل کو قتل کرے ۔ پھر آپ واپس لوٹ گئے اور دوسرے دن فرمایا : قسم اس ذات کی جس کے قبضہ میں میری جان ہے میں جانتا ہوں کہ مکہ اللہ تعالیٰ کی حرمت والی جگہ ہے اور امن والی جگہ ہے نیز اللہ تعالیٰ کی محبوب تیرین جگہ ہے اگر مجھے اس شہر سے نہ نکالا جاتا میں یہاں سے نہ نکلتا اس کے درخت نہ کاٹے جائیں اس کی گھاس نہ کاٹی جائے اس کی جھاڑیاں کاٹی جائیں حضرت عباس (رض) نے کہا : یا رسول اللہ ! سوائے اذخر گھاس کے جو سناروں کے لیے لائی جاتی ہے چھتیں ڈھالنے کے لیے کاٹی جاتی ہے۔ نبی کریم (صلی اللہ علیہ وآلہ وسلم) نے فرمایا : جی ہاں سوائے اذخر کے مکہ کا شکار نہ بھگایا جائے مکہ میں گری پڑی چیز کو کوئی شخص اپنے لیے حلال نہ سمجھے البتہ اعلان کے لیے اٹھاسکتا ہے۔ (رواہ الحسن بن سفیان وابو نعیم)