30166 ۔۔۔ ” مسند مسور بن مخرمہ “ ابن اسحاق ، زہری عروہ بن زبیر مروان بن حکم اور مسور بن مخرمہ سے روایت نقل کرتے ہیں کہ عمرو بن سالم خزاعی مدینہ میں رسول کریم (صلی اللہ علیہ وآلہ وسلم) کے پاس خزاعہ اور بنی بکر پر ہونے والے ظلم و زیادتی کے متعلق حاضر ہوا اور آپ کو خبر کرنے لگا اس نے اشعار بھی کہے تھے آپ کے پاس حاضر ہو کہ یہ اشعار کہے ۔ لاھم انی ناشد محمدا حلف ابینا وابیہ الا تلدا فوالدا کنا وکنت ولدا ثمت اسلمنا فلم ننزع یدا فانصر رسول اللہ نصرا عبدا فادع عبادا اللہ یا توا مددا فیھم رسول اللہ قد تجددا فی فیلق کالبحر یجری مذبدا : ان قریشا اخلفوک الموعدا ونقضوا میثاقک المؤکدا وزعموا ان لست تدعوا حدا فھم اذل واقل عددا قد جعلوا لی بکداء مرصدا : ھم بیتونا بالوتیر ھجدا فقتلونا رکعا وسجدا : ۔ ترجمہ : ۔۔۔ اے اللہ ! میں محمد (صلی اللہ علیہ وآلہ وسلم) کو واسطہ دیتا ہوں کہ ہمارے باپ اور ان کے باپ کا پرانا معاہدہ ہے ہم والد تھے اور آپ اولاد تھے وہیں ہم نے اسلام قبول کیا لہٰذا آپ ہم سے دست کش نہ ہوں اے اللہ کے رسول ! ہماری مدد کیجئے اور اللہ کے بندوں کو کمک کے لیے بلوائیں انہی میں اللہ کے رسول موجود ہیں وہ یکسر الگ ہوئے ہیں جس طرح سمندر کا پانی جھاگ سے الگ ہوجاتا ہے قریش نے آپ کا معاہدہ توڑ دیا ہے اور آپ کا لیا ہوا پختہ عہد ختم کردیا ہے چونکہ قریش کا دعوی ہے کہ آپ کسی کو اپنے ساتھ نہیں ملاتے یوں آپ بےیارومددگار ہیں اور آپ کی تعداد بھی کم ہے قریش نے مقام کداء میں میرے لیے گھات لگا رکھی ہے انھوں نے ہمارے اوپر مارنے کی چال چلی حتی کہ انھوں نے رکوع اور سجدے میں ہمیں قتل کیا ۔ رسول اللہ (صلی اللہ علیہ وآلہ وسلم) نے فرمایا : اے عمرو بن سالم تمہاری مدد کی جائے گی اتنے میں بادلوں کا ٹکڑا بھٹکتا ہوا فضا کے دوش پر تیرنے لگا نبی کریم (صلی اللہ علیہ وآلہ وسلم) نے فرمایا : بادلوں کے اس ٹکڑے نے بنی کعب کی مدد میں آسانی کردی ہے اسی وقت نبی کریم (صلی اللہ علیہ وآلہ وسلم) نے صحابہ کرام رضوان اللہ تعالیٰ عنہم اجمعین کو تیار ہونے کا حکم دیا اور اپنے کوچ کرنے کی خبر کو مخفی رکھا اللہ تعالیٰ سے دعا کی کہ انھیں ہماری روانگی کی خبر نہ ہو حتی کہ ان کے علاقے میں قریش کو آن لیا ۔ (رواہ ابن مندہ وابن عساکر) عبداللہ بن خطل کا قتل :