3018: سورة الفرقان۔ سب سے پہلے جس شخص کو آگ کا لباس پہنایا جائے گا وہ ابلیس ہے۔ اس کے کاندھے پر وہ لباس ڈال دیا جائے گا اور وہ اس کو اپنے پیچھے پیچھے کھینچتا چلا جائے گا اور اس کے پیروکار اس کے پیچھے پیچھے ہوں گے۔ ابلیس یہ نداء دیتا ہوگا ہائے ہلاکت و بربادی ! اس کے پیروکار بھی یہی پکارتے ہوں گے۔ ہائے ہلاکت و بربادی ! حتی کہ شیطان ابلیس جہنم کے کنارے جا کھڑا ہوگا اور وہ اس کے پیروکار اپنی تباہی و بربادی کو کوس رہے ہوں گے۔ تب ان کو کہا جائے گا۔
لا تدعوا الیوم ثبورا واحد وادعوا ثبورا کثیرا۔ الفرقان۔ 14 ۔
آج ایک ہی موت کو نہ پکارو بہت سی موتوں کو پکاروا ۔ مسند احمد ، مصنف ابن ابی شیبہ، عبد بن حمید بروایت انس (رض)
کلام : روایت محل کلام ہے ، دیکھئے الضعیفہ 1143