30180 ۔۔۔ حضرت عبداللہ بن عمرو (رض) روایت کی ہے کہ جب نبی کریم (صلی اللہ علیہ وآلہ وسلم) مکہ میں داخل ہوئے تو عورتیں چادریں گھوڑوں کے منہوں پر مارنے لگیں نبی کریم (صلی اللہ علیہ وآلہ وسلم) سیدنا حضرت ابوبکر صدیق (رض) کی طرف رخ انور کرکے مسکرانے لگے سیدنا حضرت ابوبکر صدیق (رض) نے کہا : حسان نے کیا خوب کہا ہے پھر یہ اشعار پڑھے : عدمنا خیلنا ان لم تردھا تشیرالنقع موعدھا کداء یناز عن الأعنۃ مصعدات ویلطمھن بالخمر النساء : ہم گھوڑوں سے آگے نکل جائیں گے اگر انھیں روکا نہ گیا گھوڑے گردو غبار اڑاتے آرہے ہیں اور ان کی گزرگاہ مقام کداء ہے تیر گھوڑوں کے لیے رکاوٹ ہیں اور وہ اوپر چڑھ رہے ہیں جبکہ عورتیں انھیں چادروں سے مار رہیں ہیں۔ نبی کریم (صلی اللہ علیہ وآلہ وسلم) نے فرمایا : مکہ میں اسی راستے سے داخل ہو جس کا حسان نے کہا ہے چنانچہ آپ (صلی اللہ علیہ وآلہ وسلم) مقام کداء سے داخل ہوئے ۔ (رواہ ابن جریر)