30231 ۔۔۔ ہشام بن زید حضرت انس (رض) سے روایت نقل کرتے ہیں کہ غزوہ حنین کے موقع پر ہو ازان اور غطفان نے نبی کریم (صلی اللہ علیہ وآلہ وسلم) کے خلاف جم غفیر جمع کرلیا جب کہ مسلمانوں کی تعداد دس ہزار (10000) کے لگ بھگ تھی نیز مسلمانوں کے ساتھ طلقاء (وہ لوگ جن کی فتح مکہ کے دن اترے اور ر فرمایا : میں اللہ کا بندہ اور اس کا رسول ہوں اس دن آپ نے دو مرتبہ آواز دی ان دونوں آوازوں کے درمیان کوئی اور کلام حائل نہیں تھا آپ نے دائیں طرف دیکھا فرمایا۔ اے انصار کی جماعت ! انصار کی جماعت انصار نے عرض کی : نبی کریم (صلی اللہ علیہ وآلہ وسلم) ہم حاضر ہیں اور آپ کے ساتھ ہیں پھر بائیں طرف دیکھا اور فرمایا : اے انصار کی جماعت انصار ! نے عرض کی : نبی کریم (صلی اللہ علیہ وآلہ وسلم) ہم حاضر ہیں اور آپ کے ساتھ ہیں پھر آپ آگے بڑھے فریقین کے درمیان جنگ ہوئی نتیجہ مشرکین کو شکست ہوئی اور مسلمانوں کا مال کثیر غنیمت میں ملا نبی کریم (صلی اللہ علیہ وآلہ وسلم) نے مال غنیمت (تالیف قلب کے طور پر) طلقاء میں تقسیم کیا اس پر انصار نے کہا : سختی کے وقت ہمیں بلا لیا جاتا ہے اور اموال غنیمت دوسروں میں تقسیم کردیئے جاتے ہیں نبی کریم (صلی اللہ علیہ وآلہ وسلم) کو اس کی خبر ہوئی آپ نے انصار کو جمع کیا اور آپ ایک خیمے میں تشریف لے گئے پھر فرمایا : اے جماعت انصار ! میں یہ کیا سن رہا ہوں ؟ انصار خاموش رہے آپ نے فرمایا : اے جماعت انصار اگر لوگ ایک وادی میں چل رہے ہوں اور انصار کسی دوسری گھاٹی میں چل رہے ہوں میں انصار کی گھاٹی میں چلنے کو ترجیح دوں گا پھر فرمایا : کیا تم راضی ہیں ہو کہ لوگ دنیا لے کر واپس جائیں اور تم اللہ کے رسول کو اپنے گھروں میں لے کر جاؤ انصار نے عرض کی نبی کریم (صلی اللہ علیہ وآلہ وسلم) ہم راضی ہیں۔ ہشام بن زید کہتے ہیں میں نے حضرت انس (رض) سے کہا : کیا آپ اس واقعہ میں موجود تھے ؟ حضرت انس (رض) نے فرمایا : میں کہاں غائب ہوتا۔ (رواہ ابن عساکر وابن ابی شیبۃ)