3024: ابن عباس (رض) نے رسول اللہ (صلی اللہ علیہ وآلہ وسلم) سے سوال کیا : فرمان الہی : واسبغ علیکم نعمہ ظاھرۃ وباطنۃ (لقمان : 20) اور اللہ نے تم پر اپنی ظاہری اور باطنی نعمتیں پوری کردی ہیں۔ کا کیا مطلب ہے ؟ حضور (صلی اللہ علیہ وآلہ وسلم) نے جواب ارشاد فرمایا :
ظاہری نعمتیں تو اسلام اور تمہارا اچھا اخلاق اور خدا کا تمہیں دیا ہوا رزق ہے۔ جبکہ باطنی نعمتیں اے عباس کے فرزند ! وہ ہیں کہ پروردگار نے تمہارے عیوب لوگوں سے پردہ میں رکھے۔ نیز یہ کہ اللہ عزوجل فرماتے ہیں : میں نے مومن کی وفات کے بعد اس کے مال کا ایک تہائی حصہ اس کے لیے چھوڑ دیا ہے (کہ وہ چاہے تو اس کو راہ خدا میں وصیت کرجائے) جس کے بدلے میں اس کے گناہوں کو بخش دوں گا۔ نیز پروردگار فرماتے ہیں : میں مومن مردوں اور عورتوں کو اس کے لیے استغفار میں لگا دیتا ہوں اور اس کے ایسے ایسے گناہ چھپا لیتا ہوں کہ اگر اس کے گھر والوں کو بھی اس کا علم ہوجائے تو وہ اس کو چھوڑ دیں (یہ خدا کی باطنی نعمتیں ہیں) (ابن مردویہ، شعب الایمان للبیہقی، الدیلمی، ابن النجار بروایت ابن عباس (رض))