30282 ۔۔۔ حضرت عبداللہ بن عمرو (رض) روایت کی ہے کہ کہ سیدنا حضرت عمر بن خطاب (رض) نے حضرت خالد بن ولید (رض) سے کہا : اے خالد تیرا ناس ہو تم نے بنی جذیمہ سے وہ سلوک کیا جو جاہلیت کا عیاں کار ہے کیا اسلام جاہلیت کی گندگی کو مٹا نہیں دیتا ؟ حضرت خالد بن ولید (رض) نے کہا : اے ابو حفص میں نے ان کے ساتھ جو سلوک کیا ہے وہ مبنی برحق ہے میں نے مشرکین پر حملہ کیا جب وہ مقابلے پر اتر آئے میرے پاس اس کے علاوہ کوئی اور چارہ کار نہیں تھا میں نے انھیں گرفتار کیا پھر تلوار کی دھار پر لے آیا ، سیدنا حضرت عمر بن خطاب (رض) نے کہا : کون شخص ہے جو عبداللہ بن عمر کو جانتا ہو ؟ حضرت خالد بن ولید (رض) نے کہا : میں اسے جانتا ہوں بخدا وہ نیک صالح شخص ہے پس حضرت عبداللہ بن عمرو (رض) نے مجھے تمہارے بیان کے الٹ بات بتائی ہے۔ حالانکہ وہ اس لشکر میں تمہارے ساتھ تھا حضرت خالد بن ولید (رض) نے کہا : میں اللہ کے حضور استغفار کرتا ہوں اور توبہ کرتا ہوں اس پر سیدنا حضرت عمر بن خطاب (رض) طرح دے گئے اور کہا : تیرا ناس ہو رسول اللہ (صلی اللہ علیہ وآلہ وسلم) کے پاس جاؤ تاکہ وہ تمہارے لیے استغفار کریں ۔ (رواہ ابوقدی وابن عساکر)