30298 ۔۔۔ زہری کی روایت ہے کہ نبی کریم (صلی اللہ علیہ وآلہ وسلم) نے حضرت کعب بن عمیر غفاری (رض) کو پندرہ (15) سواروں کے دستہ کے ساتھ سرزمین شام کے نواح میں ذات اطلاع کی طرف روانہ کیا جب صحابہ کرام رضوان اللہ تعالیٰ عنہم اجمعین منزل مقصود پر پہنچے تو وہاں کے لوگوں کو اسلام کی دعوت دی تاہم انھوں نے اسلام قبول کرنے سے انکار کردیا اور صحابہ کرام رضوان اللہ تعالیٰ عنہم اجمعین پر تیروں کی بارش برسا دی جب صحابہ کرام رضوان اللہ تعالیٰ عنہم اجمعین نے یہ صورتحال دیکھی تو دشمن پر حملہ کردیا حتی کہ سبھی صحابہ شہید ہوئے اور ان میں سے ایک صحابی کسی طرح دشمن سے جان بچا کر نکل آئے اور رسول اللہ (صلی اللہ علیہ وآلہ وسلم) کو آکر خبر کی آپ کو سن کر بڑا رنج ہوا اور لشکر جرار بھیجنے کا ارادہ کیا لیکن آپ کو خبر ہوئی کہ دشمن وہاں سے کہیں اور نقل مکانی کرچکا ہے آپ نے لشکر بھیجنے کے ارادہ کو ترک کردیا ۔ (رواہ الواقدی وابن عساکر)