30319 ۔۔۔ ابو ظبیان عمیر بن حارث ازدی کی روایت ہے کہ وہ اپنی قوم کے وفد کے ساتھ رسول اللہ (صلی اللہ علیہ وآلہ وسلم) کی خدمت میں حاضر ہوئے شرکائے وفد میں یہ لوگ بھی تھے حجن بن مواقع ابو سبرہ مخلف عبداللہ بن سلیمان ، عبد شمس بن عفیف بن زہیر نبی کریم (صلی اللہ علیہ وآلہ وسلم) نے ان کا نام عبداللہ رکھا جندب بن زبیر جندب بن کعب، حارث بن حارث ، زبیر بن مخشی ، حارث بن عامر ، اس وفد کے لیے نبی کریم (صلی اللہ علیہ وآلہ وسلم) نے وثیقہ بھی لکھا جس کا مضمون یہ تھا : قبیلہ غامد میں سے جو لوگ اسلام لائے ہیں ان کے لیے وہی حقوق ہیں جو مسلمانوں کے لیے ہیں یعنی ان کے اموال اور جانیں محفوظ ہوں گی انھیں جنگوں میں لایا جائے گا اور نہ ٹیکس لیا جائے گا جو اسلام قبول کرے گا اس کے لیے جائیداد کا حصہ ۔ (رواہ الخطیب فی المتفق والمفترق وابن عساکر)