30328 ۔۔۔ ” مسند حشیش بن دیلمی “ ضحاک ، فیروز حشیش بن دیلمی کی روایت ہے کہ ہمارے پاس زبر بن یحنس نبی کریم (صلی اللہ علیہ وآلہ وسلم) کا خط لے کر آئے خط میں نبی کریم (صلی اللہ علیہ وآلہ وسلم) نے ہمیں دین پر قائم اپنے جہاد کے لیے تیار رہنے اور اسود عنسی کی خبر لینے کا حکم دیا آپ نے ہمیں تاکید بھی کی کہ ہم آپ کو بروقت حالات سے آگاہ کرتے رہیں نیز نبی کریم (صلی اللہ علیہ وآلہ وسلم) نے اہل نجران کے عرب اور عرب میں رہنے والے عجمیوں کو بھی خطوط لکھے چنانچہ مختلف قبائل زیر کر لیے گئے اور اسود عنسی قتل ہوا اللہ تعالیٰ نے اسلام اور اہل اسلام کو عزت عطا فرمائی پر نبی کریم (صلی اللہ علیہ وآلہ وسلم) کے صحابہ کرام رضوان اللہ تعالیٰ عنہم اجمعین واپس لوٹ آئے اور اپنی عملداریوں میں قیام پذیر ہوگئے ہم حضرت معاذ (رض) کی عملداری میں تھے ، معاذ (رض) ہمیں نماز پڑھاتے پھر ہم نے نبی کریم (صلی اللہ علیہ وآلہ وسلم) کو خط لکھا چنانچہ ہمارا خط جب پہنچا آپ دنیا سے رخصت ہوچکے تھے ہمارے خط کا جواب سیدنا حضرت ابوبکر صدیق (رض) نے دیا ۔ (رواہ ابن ماجہ وسیف وابن عساکر)