30330 ۔۔۔ سعید بن مسیب کی روایت ہے کہ رسول کریم (صلی اللہ علیہ وآلہ وسلم) نے کسری ، قیصر اور نجاشی کو خطوط لکھے جن کا مضمون یہ تھا : اما بعد ! ایسے کلمہ پہ آجاؤ جو ہمارے اور تمہارے درمیان برابر ہے وہ یہ کہ ہم اللہ تعالیٰ کے سوا کسی کی عبادت نہ کریں اور اس کے ساتھ کسی کو شریک نہ ٹھہرائیں اور ہم اللہ کے علاوہ کسی کو رب نہ مانیں اگر تم اس سے روگردانی کرو تو گواہ رہو کہ ہم مسلمان ہیں سعید بن مسیب (رض) کہتے ہیں : کسری نے آپ کا نامہ مبارک چاق کردیا اور اس میں دیکھا تک نہیں اس پر نبی کریم (صلی اللہ علیہ وآلہ وسلم) نے فرمایا : وہ بھی اسی طرح ٹکڑے ٹکڑے ہوگا اور اس کی سلطنت بھی پاش پاش ہوگی ، رہی بات نجاشی کی سو اس نے ایمان لایا اور اس کے پاس جو لوگ موجود تھے وہ بھی ایمان لے آئے نجاشی نے نبی کریم (صلی اللہ علیہ وآلہ وسلم) کی خدمت میں جوڑے ارسال کئے رسول اللہ (صلی اللہ علیہ وآلہ وسلم) نے فرمایا : اے اپنے حال پر رہنے دو رہی بات قیصر کی سو اس نے نامہ مبارک پڑھا اور پھر کہا میں نے سلیمان (علیہ السلام) کے بعد ایسا خط نہیں پڑھا جس میں بسم اللہ الرحمن الرحیم لکھا ہو پھر قیصر نے ابو سفیان اور مغیرہ بن شعبہ کو اپنے پاس بلایا یہ دونوں سرزمین شام میں تجارت کی غرض سے گئے تھے چنانچہ قیصر نے ان سے نبی کریم (صلی اللہ علیہ وآلہ وسلم) کے متعلق مختلف سوالات کیے ایک سوال یہ بھی تھا کہ اس کی اتباع کیسے لوگوں نے کی ہے انھوں نے جواب دیا عورتوں اور کمزور لوگوں نے اس کی اتباع کی ہے ایک سوال یہ بھی کیا کہ مجھے بتاؤ اس کے دین میں داخل ہو کر کوئی شخص اس کے دین سے نکلا بھی ہے ؟ انھوں نے جواب دیا نہیں قیصر بولا : یقیناً وہ شخص نبی برحق ہے وہ میری حکومت پر قبضہ کرلے گا اگر میں اس کے پاس ہوتا اس کے پاؤں دھوتا ۔ (رواہ ابن ابی شیبۃ)