30337 ۔۔۔ حضرت دحیہ کلبی (رض) کی روایت ہے کہ مجھے نبی کریم (صلی اللہ علیہ وآلہ وسلم) نے روم کے بادشاہ قیصر کے پاس خط دیے کر بھیجا چنانچہ میں نے روم پہنچ کر دربانوں سے کہا کہ نبی کریم (صلی اللہ علیہ وآلہ وسلم) کے قاصد کے لیے اجازت طلب کرو چنانچہ دربانوں نے قیصر سے کہا کہ دروازے پر ایک شخص ہے اس کا خیال ہے کہ وہ اللہ کے رسول کا قاصد ہے چنانچہ درباری سن کر ہکا بکا رہ گئے قیصر نے دربانوں سے کہا : اسے اندر لے آؤ میں اندر داخل ہوا اس کے پاس عیسائی مذہبی پیشوا بیٹھے ہوئے تھے میں نے اسے خظ دیا چنانچہ قیصر کو خط پڑھ کر سنایا گیا خط میں (بسم اللہ الرحمن الرحیم) لکھی ہوئی تھی اور اس کے بعد لکھا تھا : نبی کریم (صلی اللہ علیہ وآلہ وسلم) کی جانب سے قیصر شاہ روم کی طرف خط کی اس طرز سے قیصر کا بھتیجا جو سرخ نیلگوں آنکھوں وا الا اور سیدھے بالوں والا تھا چیں بجبیں ہوگیا اور کہا آج خط نہ پڑھا جائے چونکہ مرسل نے خط میں پہلے اپنا نام لکھا ہے اور پھر ملک روم کی بجائے صاحب روم لکھا ہے۔ بہرحال خط پڑھا گیا پھر دربار میں بیٹھے ہوئے مذہبی پیشواؤں کو وہاں سے چلے جانے کا کہا پھر مجھے اپنے پاس بلایا مجھ سے مخلتف سوالات کیے میں نے بحسن وخوابی اسے خبر دی پھر اس نے ایک پادری اپنے پاس بلایا اور جب پادری کو خط پڑھ کا سنایا گیا اس نے کہا اللہ کی قسم یہ وہی نبی آخر الزماں ہے جس کی حضرت موسیٰ (علیہ السلام) اور حضرت عیسیٰ (علیہ السلام) نے ہمیں خبر دی ہے اور جس کا ہم انتظار کر رہے تھے قیصر نے کہا تم مجھے کیا حکم دیتے ہو ؟ پادری نے کہا رہی بات میری میں اس کی تصدیق کرتا ہوں اور اس کا اتباع اختیار کرتا ہوں قیصر نے کہا : میں جانتا ہوں کہ معاملہ یونہی ہے لیکن میں اس کی طاقت نہیں رکھتا چونکہ اگر میں نے ایسا کیا تو میری بادشاہت ختم ہوجائے گی اور رومی مجھے قتل کردیں گے ۔ (رواہ الطبرانی)