30513 ۔۔۔ ابراہیم نخعی (رح) روایت کرتے ہیں کہ ایک شخص کو معلوم تھا کہ ان کی ایک بہن زمانہ جاہلیت میں قید ہوچکی تھی بعد میں وہ مل گئی اس کے ساتھ اس بہن کا ایک لڑکا بھی لیکن اس کے باپ کا علم نہیں کہ وہ کہاں ہے تو اس شخص نے اپنی بہن اور بھانجے کو خریدلیا پھر دونوں کو آزاد کردیالڑکے نے کچھ مال کمایا اس کے بعد اس کا انتقال ہوگیا اب اس شخص نے ابن مسعود (رض) کی خدمت میں حاضر ہو کر میراث کا مسئلہ پوچھاتو انھوں نے فرمایا کہ حضرت عمر (رض) سے مسئلہ پوچھیں اور مسئلہ بتائیں مجھے اس کی اطلاع کریں چنانچہ وہ شخص حضرت عمر (رض) خدمت میں حاضر ہوا اور مسئلہ پوچھا تو انھوں نے فرمایا کہ میرے خیال میں نہ آپ اس کے اصحاب الفرائض میں سے ہیں نہ عصبہ وہ شخص واپس ابن مسعود (رض) کی خدمت میں حاضر ہو اور حضرت عمر (رض) کا جواب سنایا تو حضرت ابن مسعود (رض) حضرت عمر (رض) کی خدمت میں گئے اور عرض کیا کہ آپ نے اس شخص کو ذوی الارحام ہونے کی وجہ سے وارث قراردیا ہے نہ ولاء کا حقدار سمجھا تو حضرت عمر نے کہا کہ آپ کی کیا رائے ہے، تو عرض کیا کہ میں ان کو ذوی الارحام بھی سمجھتا ہوں اور ولاء کا حقدار بھی میرا خیال یہی ہے کہ آپ اس شخص کو وارث قرار دیں چنانچہ اس شخص کو وارث قرار دیا ۔ رواہ سعید بن منصور