30519 ۔۔۔ امام شعبی (رح) کہتے ہیں کہ حجاج بن یوسف کو ایک مرتبہ ضرورت پڑی تو مجھے بلا بھیجا میں اس کے پاس پہنچا تو کہنے لگا اگر ورثہ میں ماں بہن اور دادا ہو تو میراث کس طرح تقسیم ہوگی میں نے کہا کہ اس مسئلہ میں پانچ صحابہ کرام (رض) اختلاف ہے عبداللہ بن مسعود (رض) علی (رض) عثمان (رض) ، زید بن ثابت (رض) ، اور عبداللہ بن عباس  توحجاج نے پوچھا ابن عباس کی کیا رائے ہے اگر وہ سمجھدار ہے۔
میں نے کہا ابن عباس (رض) نے دادا کو باپ کا قائم مقائم قرار دیا ہے اور بہن کو میراث سے محروم کیا اور ماں کو تہائی مال دیا پھر حجاج نے پوچھا ابن مسعود (رض) کی کیا رائے ہے میں نے کہا ماں کو حصہ دیا۔ پوچھا کہ امیر المومنین عثمان (رض) کی کیا رائے ہے میں نے کہا مال کو تین حصوں میں تقسیم کیا پوچھا ابوتراب یعنی حضرت علی (رض) کی کیا رائے ہے ؟ میں نے کہا چھ سے مسئلہ بنایا بہن کو تین حصے ماں کو دوحصے اور دادا کو ایک حصہ دیا پوچھا اس میں زید بن ثابت کی کیا رائے ہے ؟ میں نے کہا نو سے مسئلہ بنایا ماں کو تین دادا کو چار اور بہن کو دوحصے دیا توحجاج نے کہا کہ قاضی کو حکم دو کہ امیر المومنین (عثمان (رض)) کی رائے پر فیصلہ کرے ۔ مزار بیہقی