30522 ۔۔۔ ابوملیکہ کہتے ہیں کہ ابن زبیر (رض) سے مسئلہ پوچھا گیا کہ اگر کوئی بیوی کو طلاق دیدے پھر اس کی عدت کے دوران اس شخص کا انتقال ہوجائے توبیوہ کا میراث میں حصہ ہوگا ؟ تو ابن زبیر (رض) نے فرمایا کہ جب عبدالرحمن بن عوف (رض) نے اپنی بیوی بنت الاصبغ کلبی کو طلاق دی تھی پھر اس کی عدت کے دوران ابن عوف (رض) انتقال کرگئے تو حضرت عثمان (رض) نے بیوہ کو وارث قرار دیا تھا لیکن میں معتدہ کو وارث نہیں سمجھتا۔ رواہ عبدالرزاق