30563 ۔۔۔ ھذیل بن شرجیل کہتے ہیں کہ ایک شخص ابوموسیٰ اشعری (رض) اور سلمان بن ربیعہ باھلی کے پاس آیا اور ان سے پوچھا کہ ایک شخص کے ورثہ میں بیٹے اور پوتی ہے تو دونوں نے جواب دیا کہ بیٹے کو نصف ملے گا اور پوتی کو کچھ بھی نہیں ملے گا اور ابن مسعود (رض) سے بھی یہ مسئلہ پوچھیں وہ ہماری موافقت کریں گے کہتے ہیں پھر وہ شخص ابن مسعود (رض) کے پاس پہنچا ان دونوں نے جو مسئلہ بتایا وہ ابن مسعود (رض) سے عرض کردیا تو ابن مسعود (رض) نے فرمایا کہ اگر میں ان کے قول کی اتباع کروں تو گمراہ ہوجاؤں میں تو رسول اللہ (صلی اللہ علیہ وآلہ وسلم) کے فیصلہ کے مطابق ہی فیصلہ کروں گا چنانچہ رسول اللہ (صلی اللہ علیہ وآلہ وسلم) نے ایک بیٹے پوتی اور بہن میں اس طرح فیصلہ فرمایا تھا کہ بیٹے کو نصف پوتی کو سدس اور ما بقیہ بہن کو۔ رواہ عبدالرزاق