30688 ۔۔۔ سعیدبن مسیب کہتے ہیں کہ حضرت عمر (رض) نے رسول اللہ (صلی اللہ علیہ وآلہ وسلم) سے پوچھا : کلالہ کی میراث کس طرح تقسیم ہوگی تو ارشاد فرمایا کہ کیا اللہ تعالیٰ نے بیان نہیں فرمادیا ہے پھر آیت تلاوت فرمائی۔ وان کان رجل بورث کلالہ اوامراة الابة
حضرت عمر (رض) کو بات سمجھ میں نہیں آئی تو اللہ تعالیٰ نے یہ آیت اتاری یستفتونک قل اللہ یفتیکم فی الکلالة الی آخر الایة حضرت عمر (رض) کو سمجھ میں نہیں آیا تو حضرت حفصہ (رض) سے کہا جب تم رسول اللہ (صلی اللہ علیہ وآلہ وسلم) کو اطمینان اور مسرت کی حالت میں دیکھو توکلالہ کے بارے میں سوال کرلینا ۔ (تو انھوں نے سوال کیا ) اس پر رسول اللہ (صلی اللہ علیہ وآلہ وسلم) نے ارشاد فرمایا کہ کیا آپ کے والدنے یہ سوال پوچھوایا ہے ؟ میرے خیال میں آپ اس مسئلہ کو کبھی سمجھ نہیں پائیں گے تو حضرت عمر (رض) بعد میں فرمایا کرتے تھے میرے خیال میں ، میں اس مسئلہ کو کبھی سمجھ نہیں پاؤں گا کیونکہ رسول اللہ (صلی اللہ علیہ وآلہ وسلم) میرے متعلق یہی کچھ فرماچکے ہیں۔ ابن راھویہ وابن مردربہ وھوصحیح