30713 ۔۔۔ ابن زبیر کہتے ہیں کہ زمعہ کی موطوء ہ باندی تھی لوگ اس باندی پر زنا کی تہمت رکھتے تھے اس سے ایک لڑکا پیدا ہوا رسول اللہ (صلی اللہ علیہ وآلہ وسلم) نے فرمایا کہ میراث تو اسی لڑکے کا حق ہے البتہ اے سودہ آپ سے پردہ کریں کیونکہ یہ آپ کا بھائی نہیں۔ ( عبدالرزاق مسند احمد طحاوی دار قطنی طبرانی مستدرک بیہقی)
مطلب یہ ہے کہ نسب میں چونکہ احتیاط اس میں سے کہ نسب ثابت مانا جائے اس لیے اس لڑکے کو باندی کے آقا سے ثابت نسب قرار دیا اور پردہ کے حکم میں احتیاط اس میں ہے کہ مشکوک سے بھی پردہ کیا جائے اس لیے سودہ بنت زمعہ (رض) کو والد کی باندی کے لڑکے سے پردہ کا حکم فرمایا۔