30805 ۔۔۔ نعیم بن حماد نے اپنے نسخہ میں کہا کہ ابن مبارک نے عبدالرحمن ابن یزید بن جابر (رض) سے روایت کی ہے کہ حضرت عمر (رض) نے کہا کہ ایک شخص نے رسول اللہ (صلی اللہ علیہ وآلہ وسلم) سے عرض کیا یارسول اللہ ! یہ مجھے کیسے معلوم ہوسکے گا کہ میرا اللہ تعالیٰ کے ہاں کیا مقام ہے ؟ تو ارشاد فرمایا کہ جب دنیا کے اعمال میں تمہیں خوشی محسوس ہو اور آخرت کے اعمال میں تنگی پریشانی محسوس ہو تو سمجھو کہ تم برے حال میں ہو اور جب امور دنیا میں تنگی محسوس ہو اور اعمال آخرت میں خوشی تو سمجھو کہ تم اچھے حال ہو۔ ( منقطع پہلے حدیث 30744 میں گذر چکی ہے)