30809 ۔۔۔ ابن مسعود (رض) فرماتے ہیں کہ ہم نبی کریم (صلی اللہ علیہ وآلہ وسلم) کی خدمت میں تھے کہ ایک سوار آیا اور اپنا اونٹ ایک طرف بٹھایا اور عرض کیا یا رسول اللہ ! میں نومنزلیں طے کرکے آیا ہوں میں نے اپنے اونٹ کو کمزور کردیا ۔ رات بیداری میں گذاری اور دن بھوک اور پیاس میں مجھے دو باتوں نے نیند سے محروم کردی تو رسول اللہ (صلی اللہ علیہ وآلہ وسلم) نے پوچھا کہ تمہارا کیا نام ہے ؟ عرض کیا زید الخیل تو رسول اللہ (صلی اللہ علیہ وآلہ وسلم) نے فرمایا کہ بلکہ آپ کا نام زید الخیر ہے پوچھیں جو پوچھنا چاہتے ہیں اس لیے بعض مشکل باتیں پہلے پوچھی جاچکی ہیں تو اس نے عرض کیا میں چاہتا ہوں کہ اللہ تعالیٰ کا کسی بندہ کو چاہنے اور نہ چاہنے کی کیا علامات ہوں گی تو رسول اللہ (صلی اللہ علیہ وآلہ وسلم) نے ارشاد فرمایا کہ تمہارے کیا حالات ہیں عرض کیا کہ میں خیر اور اہل خیر سے محبت رکھتا ہوں اور خیر اور نیکی کے کام کرنے والوں سے محبت رکھتا ہوں اگر کسی نیک کام کی توفیق مل جائے تو اللہ تعالیٰ سے ثواب ملنے کا یقین رکھتاہوں اگر کوئی نیک عمل چھوٹ جائے تو اس پر افسوس کرتا ہوں تو رسول اللہ (صلی اللہ علیہ وآلہ وسلم) نے فرمایا کہ اللہ تعالیٰ کے چاہنے اور نہ چاہنے کی علامات ہیں اگر اللہ تعالیٰ اس کے علاوہ تمہارے لیے پسند کرتے تو تمہارے لیے اس کا راستہ آسان کردیتے پھر اس کی پروا نہ فرماتے کہ تم کس وادی میں بلاک ہورہے ہو یا کس راستہ پر چل رہے ہو ۔ ابن عدی فی الکامل وقال منکر ابن عساکر