31260 ۔۔۔ ابوذرغفاری (رض) فرماتے ہیں کہ مجھ سے رسول اللہ (صلی اللہ علیہ وآلہ وسلم) نے فرمایا اے ابوذر جب لوگوں کو سخت بھوک ستائے گی تجھے بستر سے اٹھ کر مسجد آنے کی قدرت نہ ہوگی تو تم کیا کروگے عرض کیا اللہ اور اس کے رسول ہی کو معلوم ہے فرمایا سوال کرنے سے بچتے رہو پھر فرمایا اے ابوذر بناؤ اگر لوگوں میں موت کی کثرت ہونے لگے حتیٰ کہ گھر قبر بن جائے تو کیا تمہارا کیا حال ہوگا ؟ عرض کیا اللہ اور اس کے رسول اللہ (صلی اللہ علیہ وآلہ وسلم) کو معلوم ہے ارشاد فرمایا صبر سے کام لو پھر فرمایا اے ابوذر ، بتاؤ اگر مسلمان ایک دوسرے کو قتل کرنے لگے یہاں تک زیتون کا پتھرخون میں غرق ہوجائے تو تمہارا کیا حال ہوگا ؟ عرض کیا اللہ اور اس کے رسول اللہ (صلی اللہ علیہ وآلہ وسلم) کو معلوم ہے ارشاد فرمایا کہ اپنے گھر کا دروازہ بندکرکے بیٹھ جاؤ عرض کیا اگر لوگ مجھے گھر کے اندر بھی نہ چھوڑیں تو کیا کروں ؟ فرمایا ان کے پاس آجاؤ جن میں سے تم ہو عرض کیا اپنا اسلحہ تھام لوں ارشاد فرمایا کہ پھر تم بھی اس خون ریزی میں شریک ہوجاؤ گے لیکن اگر تمہیں خوف ہو کر ان کی تل اور کی شعاعیں تمہیں پہنچے گی تو اپنے چہرہ پر چادر ڈال لوتا کہ وہ (قاتل ) اپنا گناہ اور تمہارے گناہ اپنی سر لے کر جہنمی بن جائے۔ (ابن ابی شیبہ داؤد الطیالسی احمد ابوداؤد ابن ماجہ وابن منیع والرویانی ابن حابان مستدرک بیہقی سعید بن منصور)