31267 ۔۔۔ عبداللہ بن عمر (رض) روایت کرتے ہیں کہ ہم لوگ نبی کریم (صلی اللہ علیہ وآلہ وسلم) کے گرد بیٹھے ہوئے تھے تو فتنہ کا تذکرہ شروع ہوا ۔ آپ کے پاس فتنہ کا ذکر کیا گیا توراوی کہتے ہیں کہ آپ (صلی اللہ علیہ وآلہ وسلم) نے فرمایا کہ جب تم دیکھو لوگوں کو کہ ان میں عہد کی پابندی ختم ہوگئی ہے اور امانت داری کمزور ہوگئی ہے اور آپس میں اس طرح دست وگربیان ہونے لگے ہیں۔ (انگلیوں کو ایک دوسرے میں داخل کرکے دکھایا) راوی کہتے ہیں کہ میں نے کھڑے ہو کر عرض کیا کہ اس زمانہ میں کیا عمل کروں ؟ اللہ تعالیٰ مجھے آپ پر قربان کرے راوی کہتے ہیں کہ آپ (صلی اللہ علیہ وآلہ وسلم) نے ارشاد فرمایا کہ اپنے گھرکولازم پکڑلو اور اپنی زبان پر قابو رکھو اور اچھی باتوں پر عمل کرو منکرات کو ترک کرو صرف اپنے نفس کی اصلاح کی فکر کرو اور لوگوں کا معاملہ چھوڑ دو ۔ (ابن ابی شیبہ)