31315 ۔۔۔ حذیفہ (رض) سے روایت ہے کہ ہم حضرت عمر (رض) کے پاس بیٹھے ہوئے تھے تو انھوں نے پوچھا کہ تم میں سے کس کو فتنہ کے متعلق رسول اللہ کا ارشاد یاد ہے جیسا کہ انھوں نے ارشاد فرمایا ؟ تو حذیفہ (رض) کہتے ہیں میں نے عرض کیا مجھے یاد ہے تو حضرت عمر (رض) نے فرمایا کہ تم جری ہو اور کیسے ؟ حذیفہ (رض) کہا میں نے رسول اللہ (صلی اللہ علیہ وآلہ وسلم) کو یہ ارشاد فرماتے سنا کہ آدمی کا فتنہ اپنے گھر والوں مال جان اور پڑوس کے متعلق نماز روزے صدقہ امربالمعروف اور نہی عن المنکر اس کا کفارہ ہوگا حضرت عمر (رض) نے فرمایا میرا مقصد یہ نہیں ہے۔ بلکہ مقصد وہ فتنہ ہے جو سمندر کی طرح موج مارے گا میں نے عرض کیا یا امیر المومنین آپ کا اس فتنہ سے کیا واسطہ اس لیے کہ آپ کے اور فتنہ کے درمیان ایک بند دروازہ حائل ہے حضرت عمر (رض) نے پوچھا وہ دروازہ کھولا جائے گا یا توڑا جائے گا میں نے کہا نہیں بلکہ توڑا جائے گا تو فرمایا یہ اس نالائق ہے کہ اس کو کبھی بند نہ کیا جائے راوی کہتے ہیں کہ ہم نے حذیفہ (رض) سے کہا کہ حضرت عمر (رض) جانتے تھے کہ دروازہ کون ہے ؟ تو انھوں نے بتایا ہاں ایسا ہی جانتے تھے کہ میں جانتا ہوں کہ رات کے بعد صبح ہوگی میں نے ان سے حدیث بیان کی وہ کوئی غالیظ نہیں ہے ہم نے چاہا کہ معلوم کریں گے دروازہ کون ہے تو ہم نے مسروق سے کہا ان سے پوچھیں دروازہ کون ہے تو انھوں نے پوچھا تو فرمایا عمر ہے۔ (رواہ ابن ابی شیبة)