31326 ۔۔۔ حذیفہ (رض) کہتے ہیں کہ ہم نبی کریم (صلی اللہ علیہ وآلہ وسلم) کے ساتھ تھے آپ (صلی اللہ علیہ وآلہ وسلم) نے ارشاد فرمایا کہ کلمہ اسلام کا تلفظ کرنے والوں کو گن لوہم نے کہا کیا آپ کو ہم پر خوف ہے جبکہ ہماری تعداد چھ سو سے سات سو کے درمیان ہے تو ارشاد فرمایا کہ شاید تمہیں معلوم نہیں کہ تمہاری آزمائش ہوگی راوی کا بیان ہے ہم آزمائش میں مبتلا ہوئے حتی کہ ہم سے کوئی شخص نماز پڑھنے پر قادر نہ ہوتا مگر خفیہ طورپر۔ رواہ ابن ابی شیبة