31455 ۔۔۔ محمد بن حنفیہ سے مروی ہے کہ ان فتنوں سے ڈرو اور بچو اس لیے کہ جو بھی ان فتنوں سے مقابلہ کرے گا وہ فتنوں سے مغلوب ہو کر (ان کا شکار ہوجائے گا) خبردار ! سن لو کہ ان فتنہ گرلوگوں کے لیے ایک وقت اور مدت متعین ہے اگر تمام اہل زمین مل کر بھی ان کی حکومت ختم کرنا چاہیں تو نہیں ختم کرسکتے یہاں تک کہ اللہ تعالیٰ کا حکم آجائے (پھر فرمایا ) تم لوگ ان پہاڑوں کو اپنی جگہ سے ہٹاسکتے ہو (یعنی اسی طرح تم ان لوگوں کو بھی نہیں ہٹاسکتے ) ۔ رواہ ابن ابی شیبة