31539 ۔۔۔ ابی وائل سے روایت ہے کہ جب صفین میں اہل شام کے ساتھ میدان کا رزار گرم ہوا حضرت علی (رض) کوفہ واپس آئے تو آپ کے متعلق خوارج نے بہت سی باتیں بنائیں اور مقام حرؤاء میں قیام پذیر ہوئے ان کی تعداد دس ہزار سے کچھ اوپر تھی حضرت علی (رض) نے ان کے پاس قاصد بھیجا اور ان کو اللہ تعالیٰ کی قسم دی کہ اپنے خلیفہ کے اطاعت کی طرف واپس آجاؤ مسئلہ میں تم ان سے ناراض ہوئے ہو ؟ تقسیم میں یا حکم مقرر کرنے میں ؟ توخارجیوں نے جواب دیا ہمیں خوف ہے کہیں ہم فتنے میں مبتلا نہ ہوجائیں توقاصد نے کہا کہ کہیں آئندہ کے فتنہ کے خوف سے عام گمراہی میں مبتلا نہ ہوجاؤ تو وہ واپس آگئے اور انھوں نے کہا کہ ہم ایک جانب رہیں گے اگر حکم کا فیصلہ قبول کرلیا گیا تو ہم ان سے بھی اس طرح لڑیں گے جس طرح اہل صفین سے لڑے تھے اگر انھوں نے حکم کے فیصلہ کو توڑ دیا تو ان کے ساتھ ہو کر لڑیں گے آگے چلے یہاں جب نہروان یارکرگئے ان سے ایک جماعت الگ ہوگئی اور لوگوں سے قتال کرنا شروع کردیا تو ان کے ساتھیوں نے کہا ہم نے اس بنیاد پر حضرت ملی (رض) سے جدائی اختیار نہیں کی ، جب حضرت علی (رض) کو ان کی اس بری حرکت کا علم ہوا تو انھوں نے اپنے ساتھیوں سے مشورہ کیا کہ تم اپنے دشمن سے لڑو گے یا اپنے وطن میں پیچھے رہ جانے والوں کی طرف واپس جاؤ گے انھوں نے کہا کہ ہم واپس جائیں گے تو حضرت علی (رض) نے بیان کیا کہ رسول اللہ (صلی اللہ علیہ وآلہ وسلم) نے فرمایا کہ لوگوں کے آپس میں اختلاف پیدا ہونے کا وقت مشرق کی طرف سے ایک جماعت ظاہر ہوگی کہ تم اپنے جہاد کو ان کے جہاد کے مقابلہ میں حقیر سمجھو گے نیز اپنی نماز کو ان کی نماز کے مقابلہ میں اپنے روزوں کو ان کے روزوں کے مقابلہ میں حقیر جانوگے وہ اپنے دین سے اس طرح خارج ہوجائیں گے جس طرح تیرکمان سے نکل جاتا ہے ان کی علامت یہ ہے کہ ان میں سے ایک شخص کا بازو عورت کے پستان کی طرح ہوگا ان کو دونوں جماعتوں میں سے جو حق کے زیادہ قریب ہو وہ قتال کرے گا حضرت علی (رض) ان خارجیوں کی سرکوبی کے لیے نکلے ان کے ساتھ شدید لڑائی ہوئی پھر حضرت علی (رض) نے اپنے گھوڑے پر کھڑے ہو کر خطبہ دیا اے لوگو اگر تمہارا یہ قتال میرے لیے ہے تو اللہ کی قسم میرے پاس کوئی چیز نہیں جس سے میں تمہیں بدلہ دے اسکوں اور اگر یہ قتال اللہ کے لیے ہے تو یہ قتال جاری نہ رہے بلکہ آخری ہو ان پر جھپٹ پڑوان سب کو قتل کردیا پھر فرمایا ان کو تلاش کرو انھوں نے تلاش کی کوئی نہ ملا تو اپنے سواری پر سوار ہوئے اور ایک پست زمین پر اترے تو دیکھا مقتولین ایک دوسرے پر پڑے ہوئے تھے ان کو نکالا گیا نیچے سے پاؤں سے کھینچا گیا لوگوں کو دکھلایا حضرت علی (رض) علیہ نے فرمایا اس سال جہاد نہیں کروں گا کوفہ واپس ہوگئے اور شہید کئے گئے ۔ (ابن راھویہ ابن ابی شیبة اور ابویعلی نے روایت کی اور اس کو صحیح کہا)