31547 ۔۔۔ جندب (رض) سے روایت ہے کہ جب خوارج نے حضرت علی (رض) کے خلاف بغاوت کی تو حضرت علی (رض) ان کی تلاش میں نکلے تو ہم بھی نکلے ان کے ساتھ یہاں ہم ان کے قیام گاہ پر پہنچے تو ان کے قرآن پڑھنے کی ایسی بھنبھنا ہٹ تھی جیسے شہد کی مکھی کی ہوتی ہے اور ان میں پائجامہ اور برنوس میں ملبوس چہرے نظر آئے جب میں نے ان کو دیکھا تو مجھ پر رعب طاری ہوگیا میں ایک طرف ہوگیا اپنے نیزے کو زمین پر گاڑدیا اور گھوڑے سے اترپڑا اور اپنی ٹوپی رکھ دی اس پر زرہ پھیلا دی اور گھوڑے کی رسی پکڑ لی اور نیزہ کی طرف رخ کرکے نماز پڑھی شروع کردی اور نماز میں یہ دعا کی۔ اے اللہ اگر اس قوم سے قتال کرنا تیری خاطر ہے تو مجھے اس کی اجازت دے اگر یہ گناہ کا کام ہے تو مجھے اپنی برأت دکھاوے فرمایا اسی حالت میں کہ حضرت علی (رض) ابی طالب رسول اللہ (صلی اللہ علیہ وآلہ وسلم) کے خچر پر سوار ہو کر سامنے آئے جب میرے پاس پہنچے تو فرمایا اے جندب اللہ تعالیٰ سے پناہ مانگو ناراضگی کے شر سے میں ان کے پاس دوڑتا ہوا آیا انھوں نے خچر سے اترکر نماز پڑھنا شروع کی تو ایک شخص ٹٹو پر سوار ہو کر آیا اور ان کے قریب ہواعرض کیا یا امیرالمومنین پوچھا کیا بات ہے تو کہا کیا آپ قوم (یعنی خوارج) کے متعلق گفتگو کرنا چاہتے ہیں ؟ پوچھا کیا بات ہے ؟ اس نے کہا کہ وہ خوارج نہریار کرکے چلے گئے حضرت علی (رض) نے فرمایا کہ ابھی تک پار نہیں کی ہے۔ میں نے سبحان اللہ کہا پھر ایک اور آیا پہلے سے زیادہ جرات والا عرض کیا اے امیر المومنین خارجی قوم کے متعلق بات سنی ہے ؟ فرمایا کیا بات ؟ تو عرض کیا وہ نہر پار کرکے چلے گئے میں نے کہا اللہ اکبر حضرت علی (رض) نے فرمایا کہ نہیں ابھی تک پار نہیں کیا تو کہا سبحان اللہ پھر ایک اور آیا اور کہا کہ وہ نہر پار کرکے چلے گئے حضرت علی (رض) نے فرمایا کہ نہرپار نہیں کیا پھر ایک اور آیا اپنے گھوڑے کو دوڑاتا ہوا آیا اور عرض کیا اے امیر المومنین فرمایا کیا مطالبہ ہے عرض کیا آپ خوارج کے متعلق بات سننا چاہیے ہیں فرمایا کیا بات ہے ؟ عرض کیا کہ وہ نہر پار کرکے چلے گئے تو حضرت علی (رض) نے فرمایا کہ انھوں نے نہر پار نہیں کیا نہ وہ پار کرسکتے ہیں بلکہ اس سے پہلے ہی قتل کردئیے جائیں گے یہ اللہ تعالیٰ اور اس کے رسول اللہ کا عہد ہے میں نے کہا اللہ اکبر پھر میں کھڑا ہوا اور گھوڑے کی لگام تھام لی ، وہ بھی اپنے گھوڑے پر سوار ہوئے میں اپنی زرہ کی طرف آیا اس کو پہن لیا اور کمان لی اس کو لٹکایا میں نکلا اور ان کے ساتھ روانہ ہوا پھر مجھ سے فرمایا اے جندب میں ایک قرآن پڑھنے والے کو ان خوارج کے پاس بھیجنا چاہتا ہوں تاکہ ان کو اللہ کی کتاب رسول کی سنت کی طرف دعوت دے وہ ہماری طرف اپنے چہرے نہ کرسکے گی یہاں تک اس کو تیر کا نشانہ بنالیا جائے گا اے جندب ہم میں سے دس افراد قتل نہ ہوں گے اور ان میں سے دس بچ کر نہ جاسکیں گے ہم قوم کے پاس پہنچے وہ معسکر میں ملے جس میں پہلے سے تھے وہاں سے ہٹے نہیں حضرت علی (رض) نے آواز دی اپنے ساتھیوں کو وہ صف آراء ہوگئے پھر صف میں شروع سے آخرتک چلے دو مرتبہ پھر فرمایا کہ آپ میں سے کون ایسا ہے وہ اس قرآن کو لے کر قوم (خوارج) کے پا سجائے ان کو رب کی کتاب اور نبی کی سنت کی اتباع کی طرف دعودے وہ منقول ہوگا اس کو جنت ملے گی کسی نے اس نمائندگی کو قبول نہیں کیا سوائے نبی عامر بن صعصعہ کے ایک جوان کے ، اس سے حضرت علی (رض) نے فرمایا کہ مصلحف لوتو اس نے لے لیا تو اس سے فرمایا آپ تو شہید ہوں گے آپ ہماری طرف رخ نہیں کریں گے آپ کو تیر سے نشانہ بنالیا جائے گا تو وہ قرآن لے کر قوم کے پاس گیا جب ان سے قریب ہوا جہاں سے سن رہے تھے وہ کھڑے ہوئے اور جوان کا شکار کرلیا لوٹنے سے پہلے ہی ایک انسان نے اس کو تیر مارا وہ ہماری طرف آرہا تھا بیٹھ گیا حضرت علی (رض) نے فرمایا کہ قوم (خوارج ) پر نوٹ پڑو تو جندب نے کہا میں نے اپنی اس ہاتھ سے اس پر چوٹ آنے کے باوجود آٹھ کو نماز ظہر سے پہلے قتل کیا ہم میں سے دس بھی نہ مارے گئے اور ان میں سے بھی نہ بچ سکے۔ طبرانی فی الاوسط