31589 ۔۔۔ زہری ابوسلمہ سے وابوسعید سے روایت کرتے ہیں اس دوران کے رسول اللہ (صلی اللہ علیہ وآلہ وسلم) مال غنیمت تقسیم فرما رہے تھے کہ ان کے پاس ابن ذی الخوبصرہ تیمی آیا اور کہا یا رسول اللہ انصاف فرمائیں تو فرمایا تیرا ناس ہوا اگر میں انصاف نہ کروں تو کون انصاف کرے گا ؟ تو عمر بن خطاب (رض) نے کہا کہ یارسول اللہ (صلی اللہ علیہ وآلہ وسلم) اجازت دیں کہ میں اس کی گردن اڑادوں آپ (صلی اللہ علیہ وآلہ وسلم) نے فرمایا کہ چھوڑ دو کیونکہ اس کے کچھ ساتھی ہیں تم اپنی نماز کو ان کو نماز کے مقابلہ میں اور اپنے روزوں کے ان کے روزے کے مقابلہ میں حقیر سمجھو گے وہ دین سے اس طرح نکل جائیں گے جس طرح تیرکمان سے نکلتا ہے وہ اپنے تیر کے پر کو دیکھے اس میں کچھ بھی اتار نظر نہیں آئے گا اپنی کمان کو دیکھے اس میں بھی کچھ نظر نہیں آئے گا تیر کے پٹھے کو دیکھے اس میں بھی کچھ نظر نہیں آئے گا تیر کے پیکان کو دیکھے اس میں بھی کچھ نظر نہیں آئے گا وہ گوبر اور خون سے آگے نکل گیا اس قوم کی علامت یہ ہوگی کہ ان میں ایک شخص ہوگا اس کا ایک ہاتھ یا ایک پستان عورت کے پستان کی طرح ہوگا یا شرمگاہ کی طرف اس میں ابھار ہوگا کچھ وقفہ سے ظاہر ہوں گے انہی کے بارے میں آیت ومنھم من یلمزک فی الصدقالا یہ ابوسعید نے کہا کہ میں گواہی دیتاہوں میں نے یہ روایت رسول اللہ (صلی اللہ علیہ وآلہ وسلم) سے خود سنی اور یہ بھی گواہی دیتاہوں کہ حضرت علی (رض) نے جس وقت ان کو قتل کیا ایک شخص کو لایا گیا جس کے اندر بعینہ وہ تمام صفات موجود تھیں جو رسول اللہ (صلی اللہ علیہ وآلہ وسلم) نے بیان فرمائیں۔ رواہ عبدالرزاق