31612 ۔۔۔ مقسم بن ابی القاسم مولی عبداللہ بن حارث بن نوفل سے روایت ہے میں اور عبیدبن کلاب لیثی نکلے یہاں تک عبداللہ بن عمروبن عاص کی پاس پہنچے میں نے اس سے کہا کیا تم رسول اللہ (صلی اللہ علیہ وآلہ وسلم) کے پاس اس وقت موجود تھے جب آپ (صلی اللہ علیہ وآلہ وسلم) سے ذوالخویصرہ تمیمی نے حنین کے دن آپ سے بات کی تو انھوں نے بتایا ہاں ایک شخص نبی تمیم کا آیا جس کو ذو الخو یصرہ کہا جاتا ہے وہ آکر رسول اللہ (صلی اللہ علیہ وآلہ وسلم) کے سامنے کھڑا ہوگیا آپ (صلی اللہ علیہ وآلہ وسلم) لوگوں میں مال تقسیم فرما رہے تھے اس نے کہا اے محمد آپ نے دیکھا جو کچھ آپ نے آج کام کیا ؟ آپ (صلی اللہ علیہ وآلہ وسلم) نے فرمایا ہاں تم نے کیسے دیکھا ؟ اس نے کہا میں نے آپ کو انصاف کرتے نہیں دیکھا تو آپ (صلی اللہ علیہ وآلہ وسلم) ناراض ہوئے پھر فرمایا کہ تیرا ناس ہوا گر میرے پاس بھی انصاف نہ ہو تو کس کے پاس انصاف ہوگا ؟ حضرت عمر (رض) نے عرض کیا میں اس کی گردن نہ اڑادوں ؟ آپ (صلی اللہ علیہ وآلہ وسلم) نے فرمایا نہیں اس کو چھوڑ دو کیونکہ اس کی ایک جماعت ہوگی جو دین میں بہت تعمق سے کام لے گی یہاں تک اس سے ایسے نکل جائے گی جیسے تیر شکار سے وہ اس کے پھل کو دیکھے گا تو کوئی نشان نہیں پائے گا تیر میں اس کے پچھلے حصہ میں کچھ نہیں پائے گا وہ گوبر اور خون سے آگے نکل جائے گا۔ ابن جریر وابن نجار