31651 ۔۔۔ ابوالا سو دو ولی سے روایت ہے کہ جب حضرت علی (رض) اور ان کے ساتھی قتال کی صف میں طلحہ (رض) اور زبیر (رض) کے قریب ہوئے اور دونوں طرف کی صفیں قریب ہوئیں حضرت علی (رض) رسول اللہ (صلی اللہ علیہ وآلہ وسلم) کے خچر پر سوا ر ہو کر نکلے آواز دی کہ زبیر بن عوام (رض) کو میرے سامنے بلاؤ ان کو بلایا گیا تو علی (رض) نے فرمایا اے زبیر میں تمہیں اللہ کی قسم دے کر پوچھتا ہوں کیا تمہیں وہ دن یاد ہے کہ ہم دونوں ایک جگہ پر تھے رسول اللہ (صلی اللہ علیہ وآلہ وسلم) کا وہاں سے گذرا ہوا آپ (صلی اللہ علیہ وآلہ وسلم) نے پوچھا اے زبیر کیا تم علی (رض) سے محبت کرتے ہو تو تم نے کہا تھا کیا میں اپنے خالہ زاد پھوپھی زاد سے محبت نہ کروں جو میرے دین پر بھی ہیں ؟ پھر ارشاد فرمایا اے علی ! کیا تم ان سے محبت کرتے ہو تو میں نے کہا اے اللہ کے رسول کیا میں اپنے پھوپی زاد بھائی اور مسلمان بھائی سے محبت نہ کروں ؟ پھر آپ (صلی اللہ علیہ وآلہ وسلم) نے فرمایا اے زبیر تم ان سے قتال کرو گے اس حال میں کہ تم ظالم ہوگے تو زبیر (رض) نے فرمایا ہاں کیوں نہیں ؟ میں رسول اللہ (صلی اللہ علیہ وآلہ وسلم) سے یہ بات سننے کے بعد بھول گیا تھا ابھی مجھے یاد آگیا اللہ کی قسم میں تمہارے ساتھ قتال نہیں کرونگا زبیر (رض) واپس لوٹ گئے تو ان کے بیٹے عبداللہ (رض) نے کہا تمہیں کیا ہوا ؟ تو کہا مجھے علی (رض) نے ایک حدیث یاد دلائی جو میں نے رسول اللہ (صلی اللہ علیہ وآلہ وسلم) سے سنی تھی میں نے یہ حدیث سنی تھی کہ تم علی (رض) سے قتال کرو گے اس حال میں اس لڑائی میں تم ظالم ہوگے بیٹے نے کہا آپ قتال کے لیے تو نہیں آئے لوگوں کے درمیان صلح کرانے کے لیے آئے ہیں اللہ تعالیٰ اس معاملہ کی اصلاح فرمائیں گے تو زبیر (رض) نے کہا میں تو اللہ کی قسم اٹھاچکا ہوں علی (رض) سے قتال نہیں کروں گا توبیٹے نے کہا آپ اپنے غلام کو آزاد چھوڑ دیں اور رک جائیں یہاں تک اللہ تعالیٰ لوگوں کے درمیان صلح فرمادے غلام کو آزاد کردیا اور ایک طرف شہر گئے جب لوگوں میں اختلاف شروع ہوگیا اپنے گھوڑے پر سوار کر چلے گئے ۔ بیہقی فی الدلائل ابن عساکر