31692 ۔۔۔ حذیفہ (رض) سے روایت ہے کہ تم بنی اسرائیل کی نقش قدم پر چلو گے ان میں جو باتیں پیش آئیں تم میں بھی پیش آئیں کی ایک شخص نے پوچھا تو کیا ہم میں بندر اور خنزیر بھی ہوں گے ؟ فرمایا تمہیں اس سے کون سی بات بری کررہی ہے تیری ماں میرے لوگوں نے کہا اے ابوعبداللہ ہمیں حدیث سنائیے۔ تو فرمایا اگر میں نے حدیث سنائی تو تم تین فرقوں میں منقسم ہوجاؤ گے ایک فرقہ جو مجھ سے قتال کرے کا ایک فرقہ جو میری مدد نہیں کرے گا ایک فرقہ جو میری تکذیب کرے گا میں حدیث بتایا کرتا ہوں لیکن اس کو رسول اللہ (صلی اللہ علیہ وآلہ وسلم) کی طرف نسبت نہیں کرتا ہوں تو بتاؤ اگر میں نے حدیث بیان کروں کہ تم اپنی کتاب (قرآن کریم) کو لے کر جلادوگے اور کوڑے میں ڈال دوگے کیا تم میری تصدیق کروگے ؟ لوگوں نے کہا سبحان اللہ یا ایسا ہونے والا ہے بتاؤ اگر میں حدیث بیان کروں کہ تم کعبہ اللہ کو توڑ دو گے کیا تم میری تصدیق کروں گے ؟ لوگوں نے کہا سبحان اللہ کیا ایسا بھی ہوگا ؟ بتاؤ میں حدیث بیان کردی کہ تمہاری ماں مسلمانوں کو ایک جماعت کے ساتھ نکلے گی اور تم سے قتال کرے گی کیا تم میری تصدیق کروگے ؟ لوگوں نے کہا سبحان اللہ کیا ایسا ہوگا ۔ رواہ ابن ابی شیبة