31724 ۔۔۔ نافع (رح) سے روایت ہے کہ ایک شخص ابن عمر (رض) کی خدمت میں حاضر ہوا اور کہا اے ابوعبدالرحمن کیا سبب ہے کہ آپ ایک سال حج کے لیے جاتے ہیں اور ایک سال عمرہ کے لیے لیکن جہاد فی سبیل اللہ کو چھوڑ دیا حالانکہ آپ کو معلوم ہے کہ اللہ تعالیٰ اس کی کتنی ترغیب دی ہے تو فرمایا اے بھتیجے اسلام کی پانچ بنیادیں ہیں (1) اللہ اور اس کے رسول پر ایمان (2) پانچ وقت کی نمازیں (3) رمضان المبارک کے روزے (4) زکوۃ کی ادائیگی (5) بیت اللہ کا حج تو عرض کیا اے ابوعبدالرحمن کیا آپ نے نہیں سنا جو کچھ اللہ تعالیٰ نے اپنی کتاب میں ذکر فرمایا :
وان طانقتان من المومنین اقتتلو ا فاصلحوا بینھما فان بغت احداھما علی الاخری فقاتلوا التی تبغی حتی تفی الی امر اللہ سورة الحجرات آیت 9
یعنی مسلمانوں کی دوجماعتیں آپس میں لڑیں تو ان میں صلح کرا دو اگر ایک دوسری کے خلاف بغاوت پر اترے آئے توباغی جماعت سے لڑو یہاں تک اللہ کے حکم کی طرف لوٹ آئے ۔
اب آپ اللہ کے حکم کے مطابق باغی فرقہ سے کیوں نہیں لڑتے ؟ تو فرمایا اے بھتیجے میں اس ایک کا اعتبار کروں اور نہ لڑوں یہ مجھے زیادہ پسند ہے کہ اس آیت کا اعتبار کروں جس میں اللہ فرماتے ہیں
ومن یقتل مومنا متعمد افجزاؤہ جھنم خالدا فیھا
جس نے کسی مومن مسلمان کو عمدا قتل کیا اس کی سزا جہنم میں ہے جس میں ہمیشہ رہے گا۔ کہا کیا آپ نہیں دیکھتے اللہ فرماتے ہیں :
وقاتلو ھم حتی لاتکون فتنة ویکون الذین کلہ اللہ انفال ٣٣
ان سے قتال کرو یہاں تک فتنہ ختم ہوجائے اور حکم ہوجائے سب اللہ کا ابن عمر (رض) عنما نے فرمایا کہ یہ تو رسول اللہ (صلی اللہ علیہ وآلہ وسلم) کے زمانہ میں کیا جب اہل اسلام کی تعداد کم تھی آدمی دین کے اعتبار سے فتنہ میں ڈالا جاتا تھا یا اس کو قتل کردیتے یاقیدی بنالیتے یہاں تک مسلمانوں کی تعداد زیادہ ہوگئی اب فتنہ ختم ہوگیا تو پوچھا آپ علی (رض) اور عثمان غنی (رض) کے متعلق کیا رائے رکھتے ہیں ؟ تو فرمایا عثمان (رض) کو اللہ تعالیٰ نے معاف فرمادیا لیکن تم نے معاف کرنے کو ناپسندی کیا اور علی (رض) آپ (صلی اللہ علیہ وآلہ وسلم) کے چچازاد بھائی اور ان کے داماد ہیں اور آپ (صلی اللہ علیہ وآلہ وسلم) کی صاحبزادی کا مرتبہ بھی تم جانتے ہو۔ رواہ ابن عساکر