3535: جس شخص نے صبح کی نماز کے بعد قعدہ کی شکل میں رہتے ہوئے کسی سے بات کرنے سے قبل دس مرتبہ یہ کلمات پڑھے :
الا الہ الا اللہ وحدہ لا شریک لہ لہ الملک ولہ الحمد یحییٰ و یمیت بیدہ الخیر وھو علی کل شیء قدیر۔
اس کے لیے ہر مرتبہ کے عوض دس نیکیاں لکھی جائیں گی، دس گناہ مٹائے جائیں گے، دس درجات بلند کیے جائیں گے۔ یہ کلمات اس کے لیے ہر مکروہ چیز سے آڑ بنیں گے، شیطان مردود سے حفاظت ثابت ہوں گے اور ان کلمات کا ایک دفعہ پڑھنا اولاد اسماعیل (علیہ السلام) میں سے ایک غلام آزاد کرنے کے برابر ہوگا۔ جس کی قیمت بارہ ہزار ہے۔ اور اس دن اس کو کوئی گناہ لاحق نہ ہوسکے گا سوائے شرک باللہ کے۔ اور جس نے مغرب کی نماز کے بعد یہ کلمات (دس مرتبہ) پڑھے اس کے لیے بھی یہی ثواب ہوگا۔ (الکبیر للطبرانی ، ابن عساکر عن ابی الدرداء (رض)) ۔